GONZÁLEZ BARCIA CUALIFICOU DE CRÍTICAS INFANTÍS AS VERTIDAS DESDE A OPOSICIÓN SOBRE O DISCURRIR DOS PLENOS NO CONCELLO. O REXEDOR SUBLIÑA QUE FALAN DO QUE QUEREN DURANTE O TEMPO QUE QUEREN, PERO ADVIRTE QUE NON PERMITIRÁ INSULTOS.
Burela, 15 de xuño de 2012. O alcalde de Burela, José Mª González Barcia, cualificou de críticas infantís as vertidas hai uns días desde a oposición sobre o discurrir dos plenos no Concello. O rexedor subliña que PSOE e Grupo Mixto falan do que queren durante un tempo ilimitado e así seguirá a suceder, pero advirte que non permitirá ningún tipo de insulto. Barcia tamén aludiu ás dietas que percibe polas viaxes que realiza.
Para o alcalde burelés “a inoperancia dos grupos políticos que forman a oposición no Concello de Burela queda demostrada ante esas críticas infantís que fan sobre o último pleno celebrado hai tres semanas. Resulta chocante que estes grupos falen desa sesión tanto tempo despois, eso da unha imaxe bastante clara de que estas persoas non saben nin cómo se deletrea a palabra traballo”.
González Barcia lembrou que “cando eu era portavoz da oposición se me ten cortado a palabra nos plenos en dúas ou tres ocasións, teño escoitado ata insultos como por exemplo impresentable, o alcalde ata me chamou maleducado. E eu creo que a catadura desta persoa está clara cando se mezclan cousas políticas con asuntos do ámbito persoal. Quero que se sepa claramente que nunca lles cortei a palabra a estes señores, nin na miña etapa anterior nin tampouco agora”.
E engadiu que “sendo eu portavoz da oposición a min decíaseme que me tiña que centrar no punto que estabamos a tratar e os dous portavoces dos grupos da oposición agora falan do que non ven a conto en calquera momento e non se lles corta a palabra, teñen tempo ilimitado para intervir. Non sei que é o que queren, porque encima se lles contesta ás preguntas, outra cousa distinta é que lles gusten ou non lles gusten as respostas que oen, porque ao mellor quererían oír outras cousas, pero as respotas son as que son”. O alcalde de Burela é moi claro “desde logo eles non van decidir por min as respostas que teño que darlles ás preguntas que formulan, aquelas preguntas que son obxectivas se responden con datos obxectivos e aquelas que teñen respostas abertas e eu decido a que dou, e se non están de acordo poden presentar outras ao pleno seguinte. Ese é un trámite complementante legal e normal dentro da vida dun concello. Tamén é certa unha cousa, no turno de rogos e preguntas non hai debate”.
Desprazamentos e dietas
José María González Barcia tamén se referiu ás dietas que percibe polas viaxes que realiza. O alcalde considera que “como a xestión do bipartito burelés era cero, moito non viaxaban”. E subliñou que “cando eu estiven en Madrid en Fitur representado a Burela, o Concello non pagou nada de hotel, porque me aloxei na casa dun familiar e non pasei ningunha factura de hotel. Cando fun a Madrid a falar coa ministra de Fomento, cousa que eles non fixeron nunca, ao Concello de Burela saíulle a viaxe casi gratis porque só pagou o desprazamento desde Burela ata Lugo e a comida e a cea dese día. O resto da kilometraxe de Lugo a Madrid e de Madrid a Lugo non se lle pasou ao Concello porque fun con outros compañeiros e hai que ser hornados e honestos”. Para José María González Barcia “en tema de dietas estes señores teñen moi pouco que decir, non vai ser o demo que eles no seu momento pasaran algunha dieta doble. Neste tema, igual que en calqueroutro, a nós non nos dan ningún tipo de exemplo”.
O rexedor manifestou que como alcalde seguirá a levar os plenos como ata o de agora, “eles intervirán o tempo que estimen oportuno, falarán do que lles dea a gana, veña ou non a conto, e eu non lles vou cortar, pero tampouco lles vou admitir que intenten insultarnos. Eu, de momento, non insultei a ninguén e eles a min sí na etapa anterior. Cando eu estaba na oposición e comentaba algo cos meus compañeiros enseguida me pedían que calara a boca, agora resulta que eles comentan o que queren e ninguén lles di nada, co cal que non veñan decindo que non teñen liberdade nos plenos ou que se levan dun xeito intolerante, porque non é certo. Eles falan do que queren durante o tempo que queren, falan entre eles e ninguén lles di nada”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
