CC.OO e UXT manifestaranse en Burela para denunciar os recortes sociais do goberno e rexeitar a reforma laboral

QUEREN ACABAR CON TODO

CC.OO e UGT CONVOCAN A UNHA MANIFESTACIÓN O DIA 20 DE XUÑO EN BURELA (NA PRAZA DA MARIÑA AS 20,00H)

Levan cinco meses e medio no Goberno e non paran de recortar dereitos. Guiado por Merkel e as institucións financieiras. O Goberno español puxo en marcha un descarnado programa de reformas coa única obsesión de conter o déficit e acabar con dereitos laborais, sociais e democráticos. Pero neste breve período o paro non deixou de medrar, a economía permanece estancada e non se albisca a saída da crise.

O pasado 10 de febreiro de 2012, o Goberno aprobou unha reforma laboral que é o maior golpe ao dereito do traballo da democracia; abarata e facilita o despedimento; reforza o poder dos empresarios; consolida a precariedade do mercado de traballo e afecta gravemente á negociación colectiva (a Comisión de Emprego do Congreso endureceu aínda máis este capítulo ao pór fin á ultraactividade dos convenios unha vez transcorrido un ano da súa vixencia inicial)

CC.OO e UGT instamos unha e outra vez ao Goberno a negociar un acordo pola reactivación económica, o emprego e a cohesión social. Un acordo que debería implicar as forzas políticas parlamentarias e as institucións do Estado. Ao noso xuízo, este sería o mellor camiño para restablecer a confianza e sentar as bases para unha saída máis xusta e equilibrada da crise. Pero o Exucutivo prefire entenderse con Merkel e a dereita europea para tentar satisfacer, sen o conseguir, aos mercados e institucións financieiras. Segue instalado no conflicto social, non ataque aos dereitos laborais e aos servizos públicos, na elimación de dereitos civís e democráticos e na “criminalización” da resposta social e sindical.

UGT E CCOO seguiremos mobilizándonos na rúa contra estas políticas antes e despois do verán; manteremos un diálogo constante e fluído coa sociedade civil e as forzas políticas para lles trasladar as nosas propostas; fortaleceremos as alianzas sociais en defensa dos servizos públicos e o Estado de benestar; e promoveremos os maiores niveis de protección das persoas en situación de desemprego. POR ISO, O 20 DE XUÑO CONVOCAMOS MANIFESTACIÓNS EN TODO O PAIS PARA DENUNCIARMOS OS RECORTES SOCIAIS DO GOBERNO, PARA REXEITARMOS DE NOVO A REFORMA LABORAL E PARA ENFRONTARMOS Á CRISE CON OUTRA POLÍTICA ECONÓMICA E SOCIAL.

NON CALES. DEFENDE OS TEUS DEREITOS