ESPERANZA GONZÁLEZ MARTÍN ELEXIDA NOVA SECRETARIA XERAL DA AGRUPACIÓN SOCIALISTA DE MONDOÑEDO
-A Agrupación socialista mindoniense mantivo unha xuntanza de traballo co novo Secretario Provincial do PSOE Lucense, Jose Ramón Gomez Besteiro, que estivo acompañado do Secretario de Organización Juan Carlos Gonzalez Santin, e do Coordinador do PSOE da Mariña, Jose Ramón Val.
-A nova executiva está composta por 4 mulleres e 3 homes, na que Modesto Díaz García foi elixido Presidente da Agrupación
Mondoñedo (Lugo), 16 de xuño de 2012. A Agrupación Local do PSOE de Mondoñedo celebrou onte (día 15 de xuño) unha reunión extraordinaria para elixir o novo secretario/a xeral da agrupación mindoniense, na que resultou elixida por unanimidade Esperanza González Martín. Na xuntanza tamén participaron o novo secretario Xeral do PSOE lucense, José Ramon Gómez Besteiro, xunto co secretario de organización Juan Carlos González Santin, e do Coordinador do PSOE da Mariña José Ramón Val Alonso .
Esperanza González Martín substitúe no cargo local a Modesto Díaz García, que actualmente é concelleiro e primeiro tenente de Alcalde de Mondoñedo.
A nova Secretaria Xeral agradeceu e loubou o traballo desenrolado por Díaz García ao longo destes anos ao fronte do PSOE local, ademais agradeceu tamén o apoio recibido por parte de tódolos militantes da Agrupación.
A nova executiva do PSOE de Mondoñedo está composta por Esperanza González Martín como Secretaria Xeral, Modesto Díaz García como Presidente da Agrupación, a concelleira Magdalena Domenech Gruñeiro como Secretaria de Organización e José Luis García como secretario de Política Municipal.
Ademais, María José González-Seco é a nova responsable da área de Administración, Cristina Dorado Sante da área de Acción Electoral, e o sindicalista Francisco Domenech de Formación.
Esperanza González Martín sinalou trala sua elección que asume esta nova responsabilidade con moito “entusiasmo e dende a responsalidade”. Afirma que esta nova etapa debe traducirse en “achegar a mensaxe e as propostas socialistas para recuperar a ilusión na política”, e confía en poder “canalizar e responder á confianza dada polos militantes e votantes do PSOE en Mondoñedo”. E resumiu “o meu único obxectivo e traballar por e para os mindonienses”.
CV ESPERANZA GONZALEZ MARTIN
Naceu en Tudela (Navarra), 1974. Terceira de 6 irmáns.
Licenciouse en Periodismo na Facultade de CC da Comunicación da USC (2003).
Comezou a súa carreira xornalistica no ano 2002 na Voz de Galicia (Santiago) como reporteira gráfica. Tamén realizou prácticas na cadena Cope (Coruña), e na TVG (Santiago). No ano 2006 incorporouse á redacción do xornal La Opinión de A Coruña, e un ano mais tarde, no 2007 á delegación da TVG en Lugo. Nese mesmo ano pasou a formar parte do Gabinete de Comunicación da Secretaría Xeral de Medios, sendo presidente da Xunta Emilio Pérez Touriño. Dende aquí deu o salto ao grupo parlamentario socialista da man do deputado autonómico Ismael Rego, onde traballou como xornalista ata hai un mes (maio).
Actualmente tamén é membro do Consello Asesor CRTVG e RTVE-G.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
