A veciña de Rúa Adoración Riopedre recibe a visita do alcalde de Cervo polo seu 103 aniversario

Adoración Riopedre Fernández, a veciña de Rúa que cumpre 103 anos, recibiu na súa casa do Abrigo ao alcalde de Cervo, Alfonso Villares. O rexedor quixo achegarse a visitar á centenaria para felicitala polo seu aniversario, no seu nome e no de todo o goberno local, e aproveitou a ocasión para entregarlle un ramo de flores. Villares estivo conversando con ela, interesándose polo seu estado de saúde e desexoulle que seguise cumprindo anos “coa mesma enerxía e igual de guapa”. O rexedor, que leva varios anos visitando a avoa Dora, como a chaman os seus familiares, atopouna “tan vital coma sempre”.