NOTA DE PRENSA
“ A Área de Cultura do concello de Viveiro, a Concellería de comercio e a asociación Centro Comercial Casco Histórico de Viveiro presentaron o proxecto de teatro na rúa “ EscapÁrate”
Viveiro, 16 de Xuño de 2012
Olaia Casas,concelleira de Cultura, Manolo Galdo, concelleiro de Comercio e representantes da asociación Centro Comercial Casco Histórico de Viveiro presentaron no día de onte, 15 de Xuño, EscapÁrate, un proxecto do grupo Chévere para a promoción do comercio de proximidade: pezas de teatro feitas nos escaparates das propias tendas, creadas e adaptadas específicamente para cada espazo. Será en 6 comercios do casco vello de Viveiro o venres 22 de Xuño.
As intervencións sucederanse entre 12,30h e 14,30h e entre 19,00h e 22,00h
“ É un proxecto que nos ofreceron dende o departamento de Cultura da Deputación de Lugo e que decidimos acoller en Viveiro porque nos pareceu moi innovador e interesante para poñer en valor o comercio como motor de conservación do patrimonio e reivindicar a compra- venda de proximidade. Un xeito de tender pontes entre a actividade comercial e a creación artística, ocupando con actividade cultural uns espazos reservados á exhibición comercial, convertindo os escaparates en escenarios para o teatro, a maxia, a danza ou a música” sinala Olaia Casas
Manolo Galdo, concelleiro de comercio destaca “ Viveiro é o primeiro concello da comarca e da provincia de Lugo en acoller este proxecto,posicionando así a nosa vila en referente cultural e comercial, convertindo as ruas do casco vello en escenarios a ceo aberto. A animación a pé de rúa durante toda a xornada correrá a cargo de Pepe Penabade.
Pola súa banda, o presidente da asociación do comercio Centro Comercial Casco Histórico de Viveiro “agradecemos ás concellerias de cultura e de comercio do concello, a área de Cultura da Vicepresidencia primeira da Deputación de Lugo e ao grupo Chévere o interese pola dinamización do comercio do concello, así como a acollida que tivo o proxecto por parte dos comerciantes.
Unha actividade que mostrará o comercio dun xeito moi innovador.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
