A CIG-Ensino denuncia que a Consellaría actúa de maneira escurantista co obxectivo de suprimir unidades, profesorado e agrupar alumnado de diferentes idades nunha mesma aula nos centros da Mariña
A Xefatura Territorial de Lugo segue sen negociar as previsións para o inicio de curso
Ribadeo a 18 de xuño de 2012.- A CIG- Ensino denuncia que a Consellaría actúa de maneira escurantista co obxectivo de suprimir un importante número de unidades e postos de traballo, e agrupar alumnado de diferentes etapas, cursos e ciclos. A esta altura, a Xefatura Territorial de Lugo, e das demais provincias, continúan sen negociar as pretensións para o inicio do curso, cando existen datos que indican que vai haber numerosas supresións -nomeadamente nas zonas rurais- tanto de centros como de unidades e prazas de profesorado. Así mesmo pretende estender de maneira desorbitada os agrupamentos de alumnado.
A CIG-Ensino ten constancia de que Inspección educativa se dirixiu ás direccións de diferentes centros educativos para promover o agrupamento de alumnado. Cos agrupamentos que procura a Consellaría abundarán as unidades con alumnado de diferentes idades, cursos, ciclos e, mesmamente, etapas, xa que teñen a pretensión de levalas a cabo sempre que non superen os 20 alumnos, e incluso nalgúns casos os 25. Os recortes tamén poden afectar, segundo informou Inspección nalgún centro, aos comedores escolares onde hai menos de 23 usuarios, onde se suprimirían.
As supresións aplicaranse en todos os niveis educativos xa que, en Secundaria, Inspección educativa anunciou que traballa co obxectivo de reducir en moitos centros un 10% os cadros de persoal. Ademais, incrementarase o número de afíns a impartir. Por exemplo, xa se coñece a intención da Consellaría de que o profesorado de Matemáticas imparta Debuxo en 2º de Bacharelato.
Segundo datos que a CIG manexa, a Xunta pretende para Lugo a supresión de unidades e docentes que afectaría a localidades como Abadín, Triacastela, O Páramo ata un número de cando menos, outros 25 centros. Na Mariña seguindo os criterios que quere impoñer a Xunta veríanse afectados centros de ensino como o de Barreiros, Alfoz ou o Vicedo, entre outros moitos.
Para a CIG-Ensino, as instrucións que se trasladan aos centros confirman que a folla de ruta trazada polo PP inclúe a aplicación de novos recortes no ensino público que irán en detrimento da calidade do ensino e do dereito do alumnado a recibir este servizo público en igualdade de oportunidades, algo que desde a CIG seguirase a combater.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
