Rexistrará unha moción municipal para o seu debate e aprobación nos Plenos Municipais da provincia
O PP de Lugo traslada aos 67 concellos da provincia a esixencia de dimisión inmediata do Presidente e Vicepresidente da Deputación
Os populares sinalan o uso partidista dos medios da Deputación provincial por parte do bipartito socava e denigra a imaxe pública do ente provincial e converten a esta administración nun instrumento partidista.
Lugo, 18 de xuño de 2012.- O Partido Popular de Lugo pedirá nos 67 concellos da provincia a dimisión “inmediata e irrevogable” de Jose Ramón Gómez Besteiro e Antón Veiga Outeiro como Presidente e Vicepresidente da Deputación de Lugo por consideralos os máximos responsables duns feitos que contribuíron a “socavar e denigrar” a imaxe pública da Deputación Provincial de Lugo e por converter ao ente provincial “nun instrumento partidista ao servizo dos seus actuais gobernantes e non do interese xeral dos lucenses que deberan defender e respectar”.
Os populares rexistran varias mocións municipais para o seu debate e aprobación nos respectivos Plenos dos concellos lucenses a través das que censuran e rexeitan o acontecido o martes 12 de xuño de 2012 dia no que varios xornais publicaban un anuncio asinado pola Vicepresidencia primeira da Deputación de Lugo no que o ente provincial asumía o discurso político do BNG e amosaba como si se tratase dunha toma de postura institucional –iso si pervio pago- a súa opinión contraria ao crédito europeo á banca.
O PP sostivo desde o primeiro momento que a devandita publicidade -de marcado carácter partidista- non responde aos criterios contemplados na lexislación vixente sobre as campañas institucionais e evidencia como os actuais responsables da entidade provincial lucense “fan uso de medios institucionais para empregalos como altofalantes da estratexia de comunicación do BNG”.
Estes mesmos feitos levaron ao Partido Popular de Lugo a presentar unha denuncia diante da Fiscalía para impulsar a oportuna investigación por poden ter relevancia penal e constituír un presunto delito de malversación de fondos públicos, pero con independencia da relevancia penal dos feitos descritos os populares esixen que se depuren as correspondentes responsabilidades políticas.
“Parece claro que neste asunto hai claros responsables directos na figura do autor dos feitos, o Vicepresidente primeiro da Deputación de Lugo e do seu Presidente, Jose Ramón Gómez Besteiro, como cooperador e encubridor necesario” así reza a exposición de motivos da moción que o PP que remata sinalando que “en política os erros e as irresponsabilidades se asumen a través dun procedemento: a dimisión inmediata e irrevogable dos seus responsables”
Os populares sosteñen que durante todo este tempo as explicacións feitas públicas polos actuais responsables da Deputación provincial non deixan de ser “absolutamente insostibles, incoherentes e incluso contraditorias”, características que proban” a súa falta de credibilidade e fundamento”: Mentres que nun primeiro momento sostiveron que se debía a un erro de maquetación, despois aseguraban que a factura dos diferentes anuncios foron abonadas por agrupación locais do BNG de distintos puntos de Galicia (concretamente Foz e Santiago de Compostela), para rematar asegurando que os devanditos pagos se efectuarán desde o Grupo Provincial do BNG na Deputación de Lugo.
Segundo o PP se xa de por si constitúe un feito grave e rexeitable que no actual contexto económico, os responsables do Goberno bipartito da Deputación de Lugo dean prioridade a unha campaña de confrontación co Goberno do Estado e a Unión Europea, moito máis aínda que se incumpran todas as normas e procedementos mínimos relativos á comunicación institucional empregando a Deputación como si fora o seu “cortixo partidista particular”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
