NOTA DA DEPUTACIÓN:
Besteiro logra que a Xunta rectifique, elaborando un novo protocolo coas Deputacións tras as irregularidades xurídicas advertidas
– O Presidente presenta unha nova proposta, conseguindo que se modifique o tocante ó financiamento dos Servizos Sociais, que os Grumir sigan sendo responsabilidade autonómica e que se aborden o sector primario e a demografía, cuestións das que non había ningunha liña
– Gómez Besteiro agradeceu as modificacións introducidas xa que o anterior infrinxía a lei e discriminaba problemas de gran calado para Lugo e Galicia
– O titular provincial cumpre co seu compromiso e trasládalle a Núñez Feijóo a urxencia de dar solucións para os 2.000 empregos de Alcoa San Cibrao
O Presidente da Deputación de Lugo, José Ramón Gómez Besteiro, logrou que a Xunta de Galicia rectificase e elaborase un novo protocolo de colaboración permanente coas Deputación galegas. Fixóo durante a reunión que mantivo hoxe co titular galego, Alberto Núñez Feijóo, previamente á sinatura do protocolo que estaba previsto pechar este mesmo mércores cos mandatarios provinciais.
Xa hai unha semana, a Deputación advertía de irregularidades xurídicas neste documento, notificándollas por escrito ó Goberno galego mediante o envío dun detallado informe sobre o que a institución luguesa non recibiu ningunha contraproposta. É máis, ó día seguinte de enviar á Xunta o informe, o Goberno autonómico informouno favorablemente no Consello autonómico. Buscando de novo o consenso e antes de ter que marcha da sinatura do protocolo, Gómez Besteiro entregou un borrador xeral para buscar a unanimidade que agora si foi recollido no documento asinado.
Deste xeito, sobre a marcha, o que provocou un retraso dunha hora a sinatura do convenio, modificáronse asuntos como: o financiamento dos Servizos Sociais que agora se axustan á Lei e non o Decreto que impuxo a Xunta; os Grumir seguirán sendo de responsabilidade autonómica; foron eliminadas as referencias ós Concellos menores de 15.000 habitantes para axustarse ó marcado pola Lei: 20.000 habitantes; e abórdanse asuntos estratéxicos para o desenvolvemento socioeconómico da Comunidade como o sector primario ou a demografía, ambas as dúas cuestións introducidas polo Presidente lugués.
Gómez Besteiro agradeceu as modificacións realizadas porque agora si se abordan os asuntos que preocupan á provincia e á Galicia. O titular provincial salientou que estaba moi interesado en que se asinen canto antes os convenios de colaboración posteriores a este protocolo xa que “é o modo de levalo á práctica, con financiamento concreto”.
Os motivos de que a institución luguesa se negara a asinar dende o primeiro momento o borrador do protocolo eran, fundamentalmente, que non se axustaba a lei e que era un cheque en branco co que a Xunta pretendía pasar as súas cargas financeiras ós lucenses xa que obrigaba ás Deputación a asumir os seus deberes pero sen transferencias económicas. Ademais, non trataba temas como a agricultura, a gandeiría ou a crise demográfica.
Solucións para Alcoa
Minutos antes da sinatura do convenio, Gómez Besteiro logrou que Núñez Fejióo o recibise uns minutos. Para elo, tiveron que pasar case tres anos nos que o Presidente da Deputación de Lugo lle remitiu ata nove solicitudes por escrito ó seu homólogo galego. O titular provincial aproveitou esta ocasión para entregarlle ó mandatario autonómico un detallado dossier cos trece puntos pendentes coa provincia de Lugo de maior urxencia, así como os acordos plenarios respectivos. O titular provincial trasladoulle de novo a Feijóo que unha das máximas preocupacións da Deputación de Lugo é a situación que atravesa Alcoa polo que lle transmitiu a necesidade de que Xunta e Goberno Central negocien unha tarifa eléctrica que permita a supervivencia da factoría e o mantemento de máis de 2.000 empregos directos e indirectos. Asi mesmo, tamén lle reclamou que poña en marcha as obras de construción do gaseoducto que o propio Presidente autonómico prometeu para San Cibrao e que nunca iniciou malia que este sistema permitiría á fábrica reducir os seus custes de produción nun 20% ó substituir o fuel polo gas natural, ademais das emisión de CO2. Gómez Besteiro cumpriu, deste xeito, co compromiso adquirido onte cos traballadores da factoría cervense e das súas empresas auxiliares logo da reunión que mantivo co Comité de Empresa de Alcoa San Cibrao e de falar telefónicamente do Presidente de Alcoa España, José Camino de Miguel.
Servizos sanitarios e educativos
O titular provincial reiteroulle a Feijóo o seu ánimo de solucionar problemas e ir da man en proxectos que está a financiar a Deputación de Lugo, que son motores de emprego, e para os que só se lle pediu ó Presidente galego o mesmo trato que lle está a dar ás empresas privadas. Por exemplo, que concerte prazas de residencias e centros de día na rede que vai construír a Deputación luguesa xunto ós Concellos de todas as cores políticas. Xa que o Goberno autonómico non considera, textualmente, “nin prioritario nin necesario” facer estas residencias, a institución luguesa asume o financiamento de 15 millóns de euros pero solicita a mesma concertación de prazas que a Xunta fai co sector privado. Hai que ter en conta que a crise demográfica é o maior problema ó que se enfronta Galicia. Besteiro reclamoulle á Feijóo coñecer os plans para evitar o desmantelamento dos servizos sanitarios e educativos na provincia como: cando se vai cumprir o compromiso da Xunta na antiga residencia de Lugo ou no antigo hospital de Castro de Rei; cando se vai dotar ós hospitais da provincia de Radioterapia e Hemodinámica –hoxe os veciños teñen que ir á Coruña-. Ademais, pediulle que recapacitase sobre a eliminación do programa Preescolar na Casa.
O Presidente lugués tamén quixo saber cando se cumprirán os compromisos de infraestuturas pendentes como: o desdobramento do corredor da Costa, cunha especial atención ós veciños da zona de Magazos, ou do corredor Nadela-Sarria. Outros asuntos foron a creación da Autoridade Portuaria en Lugo, a declaración dos Camiños de Inverno e do Mar como ruta xacobeas ou a declaración da Ribeira Sacra como Patrimonio da Humanidade.
NOTA DA XUNTA DE GALICIA
O titular da Xunta presidiu, hoxe, o acto de sinatura do protocolo de colaboración entre a Xunta e as deputacións provinciais galegas
FEIJÓO AFIRMA QUE COA SINATURA DO PROTOCOLO DE COOPERACIÓN ENTRE XUNTA E DEPUTACIÓNS, GALICIA DÁ UN PASO FIRME PARA SER PIONEIRA Á HORA DE POÑER EN PRÁCTICA A FILOSOFÍA DO PRINCIPIO DA COOPERACIÓN, DA UNIDADE E DA COORDINACIÓN ENTRE AS ADMINISTRACIÓNS
Subliña que, cando no ámbito estatal se está comezando a debater unha posible Lei de Réxime Local, Galicia volve a anticiparse coa sinatura deste documento, “como nos anticipamos cando iniciamos a senda da austeridade e cando iniciamos a senda da estabilidade orzamentaria”
Explica que o documento é útil para que as deputacións aforren no seu funcionamento; é útil para os concellos, porque se as deputacións e a Xunta camiñan xuntas os concellos son os últimos e grandes beneficiarios; e é útil para os cidadáns, que piden a maior responsabilidade nun momento tamén de maior dificultade
Destaca que, desde o primeiro día desta lexislatura, o Goberno galego intenta acordar e cooperar
Lembra que neste tres anos a convicción de acordar fraguou en numerosas ocasións: no ámbito universitario; nos distintos acordos alcanzados no Diálogo Social; en moitos aspectos no ámbito da cooperación municipal; “e, hoxe, volve a fraguar nun acordo estable e permanente”
Asegura que neste protocolo, amais da anticipación, converxen outros dous factores: a xenerosidade e a responsabilidade
Santiago, 20 de xuño de 2012.- O presidente do Goberno galego, Alberto Núñez Feijóo, afirmou que coa sinatura, hoxe, do protocolo de cooperación entre Xunta e Deputacións, Galicia dá un paso firme para ser pioneira á hora de poñer en práctica a filosofía do principio da cooperación, da unidade e da coordinación entre as administracións.
Feijóo subliñou deste xeito que, cando no ámbito estatal se está comezando a debater unha posible Lei de Réxime Local, Galicia volve a anticiparse coa sinatura deste documento, “como nos anticipamos cando iniciamos a senda da austeridade e cando iniciamos a senda da estabilidade orzamentaria”. “Hoxe, volvemos a anticiparnos cun documento que é útil, en primeiro lugar, para as deputacións, porque a cooperación é fundamental para que as propias deputacións aforren no seu funcionamento; é útil para os concellos, porque se as deputacións e a Xunta camiñan xuntas os concellos son os últimos e grandes beneficiarios; e é útil para os cidadáns, que son os que piden aos políticos a maior responsabilidade nun momento tamén de maior dificultade”.
O titular da Xunta aseverou que a falta de colaboración entre as administracións públicas é sinxelamente “un fracaso político, un fracaso colectivo” que debemos tentar reverter. “Por iso este acto –dixo- é unha proba da evolución do noso país nos últimos anos. É un cambio xeracional dos políticos que están ao fronte das deputacións e dos políticos que están ao fronte da Administración autonómica. Non hai tanto tempo esta firma podería resultar estraña; hoxe, aquí estamos, en plena crise económica, dicindo que é moito máis o que nos une que o que nos separa e demostrando que, en lugar de tropezar outra vez na mesma pedra da autarquía administrativa, apostamos pola unidade, polo acordo e pola cooperación”.
Neste sentido, Feijóo lembrou que “na Xunta entendémolo así desde o primeiro día desta lexislatura e, ao longo da mesma, intentamos acordar e cooperar”. “Fraguou o acordo no ámbito universitario e temos unha lei consensuada cos reitores e cos claustros, que entrará no Parlamento para ser aprobada; fraguou nos distintos acordos alcanzados no Diálogo Social; fraguou en moitos aspectos no ámbito da cooperación municipal co anterior presidente da Fegamp e co actual; e, hoxe, volve a fraguar nun acordo estable e permanente que non é outra cousa que poñer unha axenda mutua a disposición das administracións públicas, é dicir, abrir unha axenda común en servizos sociais, en investimentos en equipamentos culturais, en equipamentos deportivos, en equipamentos turísticos, en infraestruturas hidráulicas, en emerxencias ou en actividades formativas e de emprego”.
Por último, o presidente do Goberno galego explicou que para que isto sexa así, amais da anticipación, converxen outros dous factores: a xenerosidade e a responsabilidade. “A xenerosidade, porque a cooperación ten que ser algo habitual e o acordo ten que ser un compromiso de todos; e a responsabilidade, porque hoxe estamos aquí, cada un xogando o seu papel pero todos xuntos xogando o único papel que é distribuír os recursos públicos para os cidadáns con criterios de eficacia e con criterios de eficiencia”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
