Xose Manuel Barreiro presentou en rolda de prensa esta iniciativa co obxecto de sumar novos afiliados “ao proxecto político máis ilusiónante e comprometido con esta terra”
“Contigo Lugo será + popular” nova campaña de afiliación do PP provincial
Desenvolverase en todos os concellos lucenses a través dunha campaña de proximidade e contará con 14 actos públicos nas principais vilas da provincia
Lugo, 28 de xuño de 2012.- O Presidente provincial do Partido Popular e portavoz do PP no Senado, Xose Manuel Barreiro, acompañado do secretario provincial, Jose Manuel Balseiro presentaron hoxe en rolda de prensa a campaña de afiliación que baixo o lema “Contigo Lugo será + popular” nace co obxectivo de sumar novos afiliados ao proxecto político “máis ilusionante e comprometido con esta terra: o que representa as siglas do PP de Lugo”
O dirixente popular explicou que a campaña se desenvolverá en todos os concellos da provincia e contará con 14 actos públicos nos que os cargos representativos de cada unha das comarcas e membros de Novas Xeracións convidarán á cidadanía a sumarse ao proxecto popular.
CAMPAÑA DE PROXIMIDADE
A estratexia de comunicación farase fundamentalmente a través dunha campaña de proximidade, moi persoal, dende cada xunta local, achegándose directamente aos veciños dos pobos e vilas da nosa provincia. “Quixemos dar a cara explicando a verdade das reformas e agora queremos facelo animando á xente a sumarse o reto de ofrecer solucións fronte á crise”. Por todo iso, tamén incluirá encontros na rúa nas principais vilas como son Lugo, Burela, Castro de Rei, Chantada, Fonsagrada, Foz, Guitiriz, Mondoñedo, Monforte, Ribadeo, Sarria, Vilalba, Viveiro e Palas de Rei.
“Lugo merece que entre todo poidamos crer nel, e crecer nun futuro en positivo” –dixo Barreiro- “Para iso queremos ser máis que nunca o partido dos lucenses. O que devolva a confianza recibida elección tras elección por unha maioría de veciños desta provincia en forma de propostas, iniciativas e solucións que contribúan a mellorar a calidade de vida de todos”.
FRONTE A RESIGNACIÓN: PARTICIPA!
Xose Manuel Barreiro explicou que, fronte ao que moitos pensan “máis que nunca” en tempos como o actual cheos de retos e dificultades “non cabe resignarse, senón implicarse e participar na procura de solucións para o teu pobo, para o teu concello, para a túa provincia, para o coxunto do país”.
“É o momento de participar activamente en política. Non ser un mero espectador. E facelo da man do partido que máis se parece a Lugo, un PP coa forza e respaldo máis potente que precisa do concurso de novos afiliados dispostos e facer un equipo máis grande e máis forte”-dixo Barreiro.
O presidente dos populares lucenses e portavoz do PP no Senado concluíu facendo un chamamento a todo aquel que entenda que as propostas e a forma de facer política do Partido Popular é a mellor garantía para dar solución aos actuais problemas e dificultades. Dixo que cada un deles “non só terá as portas abertas do Partido Popular na provincia, senón que lles queremos invitar a que participen da política connosco, que se afilien, que nos transmitan as súas inquietudes, e que nos axuden nesa tarefa que é de todos”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
