LUGO ._ O atleta de 90 anos Julián Bernal ven de gañar o Campionato de España de Pista Cuberta, na modalidade de 3000 metros para veteranos. Pola súa banda, Francisca Romasanta (Viveiro, 1948) conseguiu a medalla de prata aos 800 metros e a de bronce nos 3.000 metros lisos na categoría feminina M60 do Campionato de España de Veteranos que tivo lugar en Zaragoza.
NOTA DE PRENSA
O vicepresidente da Deputación, o nacionalista Antón Bao, e o delegado da Área de Deportes desta mesma institución, Antonio Veiga, recibiron este mércores no Pazo de San Marcos os atletas veteranos Julián Bernal e Francisca Romasanta. Bernal bateu, aos 90 de idade, a marca universal dos 3.000 metros en pista cuberta na categoría M90 no Campionato de España de Pista Cuberta que tivo lugar entre os meses de febreiro e marzo en Zaragoza. Pola contra, Romansata alzouse co primeiro premio do Campionato de España de Cross para veteranos na categoría M-60 o pasado domingo 8 de marzo en Albacete.
Na súa intervención, o vicepresidente da Deputación de Lugo resaltou a necesidade de potenciar a figura destes dous deportistas veteranos que conseguiron numerosos galardóns locais, autonómicos, estatais e incluso mundiais. Para o nacionalista, a case recén estreada carreira deportiva destes dous atletas “é todo un exemplo para a mocidade”. Por iso, Antón Bao lembrou que a Deputación de Lugo, e concretamente, a Área de Deporte “seguirá traballando en prol dun maior e mellor desenvolvemento de todas e cada unha das disciplinas deportivas practicadas ao longo da xeografía lucense”. Nesta liña, o delegado desta área, Antonio Veiga, lembrou “a existencia dun compromiso firme, adquirido coas asociacións, entidades e clubs deportivos de Lugo para contribuír no seu labor de formación ou dinamización do deporte en todos os eidos”.
Na recepción, e acompañando os dous deportistas, tamén estiveron presentes o director da Sociedade Deportiva Egovarros de Viveiro, Francisco Fernández, outros directivos e adestrador do club, Xesús, fillo do marquista Julián Bernal. Na súa intervención, Francisco Fernández agradeceu o labor realizado pola Área de Deporte da Deputación en prol do fomento e promoción do atletismo entre todos os habitantes do Concello de Viveiro.
Os mellores na modalidade de pista cuberta e en cross
En canto a Julián Bernal, cómpre salientar que este galego de adopción dominou á perfección a proba do Campionato de España de Pista Cuberta para veteranos que tivo lugar en Zaragoza, percorrendo os 3.000 metros en 19 minutos 59 segundos e 60 décimas de segundo. Intre no que Bernal batía o récord mundial existente, datado en 2005, cando o estadounidense Fran Levine lograba un tempo de 23 minutos, 12 segundo e 354 décimas de segundo na mesma disciplina, categoría e percorrido.
No transcurso da conversa, o veterano atleta aseguroulle a Antón Bao que seguirá correndo “mentres poida” porque a práctica deste deporte mellorou notablemente a súa saúde física e mental. Ademais, Julián Bernal confirmou que participará, e tentará bater algunha marca máis, no XVIII Campionato Mundial de Atletismo para Atletas Veteranos que terá lugar entre o 28 de xullo e o 8 de agosto deste ano en Lahti (Finlandia). Pola súa banda, o vicepresidente da Deputación loubou o traballo desenvolvido pola Sociedade Deportiva
O deportista Julián Bernal (Burgos, 1919) comezou a correr aos 76 anos de idade, data na que finou a súa muller. Ata esa etapa da súa vida, o propio atleta foi quen recoñeceu que nunca practicara ningún deporte. Comezou participando en moitas carreiras populares organizadas en Galiza ata dar o salto aos Campionatos de España de Veteranos. De feito, no ano 2005, proclamouse campión do mundo nos 5.000 metros na categoría M85 en San Sebastián. Ademais disto, este atleta veterano mellorou tamén, a comezos deste mes de marzo, as marcas europeas e españolas de 800 e 400 metros respectivamente.
Pola súa banda, Francisca Romasanta (Viveiro, 1948) conseguiu a medalla de prata aos 800 metros e a de bronce nos 3.000 metros lisos na categoría feminina M60 do Campionato de España de Veteranos que tivo lugar en Zaragoza durante os meses febreiro e marzo do ano en curso. A maiores, a deportista de 60 anos de idade, proclamouse gañadora do Campionato Galego e do Campionato de España de Cross, na mesma modalidade e categoría, que tiveron lugar durante o mes de xaneiro e a primeira semana do mes de marzo respectivamente.
Un club e uns deportistas de primeira liña
A Sociedade Deportiva Egovarros creouse en Viveiro no ano 1992 coa intención de crear unha entidade que fomentase a práctica de diversas disciplinas entre os máis novos. Para iso, creáronse seccións de atletismo, fútbol sala masculino e feminino e duatlón. Aínda que na actualidade o club está composto por na súa maioría por deportistas veteranos, tamén participaron ou seguen a participar nas distintas competicións varios membros das categorías infantís e seniors.
No Campionato Galego de Cross de Veteranos 2008 o equipo feminino obtivo a terceira praza, ademais de 4 medallas de ouro nas categorías individuais masculina e feminina. Ese mesmo ano, o atleta Daniel Aguiar conseguiu o primeiro premio no Campionato Galego de Marcha, na categoría M60 e varios dos integrantes do Sociedade Deportiva Egovarros obtiveron 19 ouros, 7 pratas e 12 bronces no Campionato Galego de Pista Cuberta de Veteranos.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
