A MAIOR PARTE DAS ACTIVIDADES DA AXENDA CULTURAL DESTE TRIMESTRE SON GRATUITAS “PARA QUE TODO O MUNDO POIDA DISFRUTAR DELAS”, SEGUNDO EXPLICOU ESTA MAÑÁ MARILUZ ÁLVAREZ LASTRA. DANZA NA RÚA, TEATRO, MÚSICA E EXPOSICIÓNS SON ALGUNHAS DAS PROPOSTAS PARA AS VINDEIRAS SEMANAS.
Ribadeo, 6 de xullo de 2012. Comeza a programación cultural de verán do Concello de Ribadeo. Exposicións, música e teatro centran esta primeira fin de semana do mes de xullo. A concelleira de Cultura, Mariluz Álvarez Lastra, anima á xente a disfrutar das diversas actividades previstas para estes días.
Na presentación da programación cultural deste trimentre a edil nacionalista sinalou que “como ven sendo habitual ao longo dos últimos anos imos facer atractiva a nosa programación cultural, trátase de potenciar o sector hostaleiro e do comercio para que a xente á nosa vila. Ese é a intención coa que facemos a programación cultural todo o ano, pero en especial na época estival”.
Álvarez Lastra dixo que “tendo en conta os tempos nos que estamos é unha programación acaída aos medios económicos cos que contamos, pero dunha calidade excepcional ao igual que nos últimos anos e a maior parte das actividades serán gratuitas para que todo o mundo poida disfrutar delas. Quixéramos facer máis actividades ao aire libre, pero debido aos medios técnicos que iso supón estarán máis concentradas no entorno do Cine Teatro e no auditorio municipal Hernán Naval”.
A concelleira de Cultura anunciou que ao longo dos meses de xullo, agosto e setembro “haberá danza na rúa, teatro, música, actividades para os máis pequenos, etc. Convidamos a todos os que desexen coñecer máis desta programación cultural a que a vexan nos paneis informativos ou que se fagan coas axendas culturais que atoparán nas dependencias municipais e nos locais hostaleiros de Ribadeo. A axenda está adicada a Xavier Rodríguez Baixeras, ao que homenaxeamos hai pouco, entón nela van atopar unha serie de poemas deste escritor ribadense”.
Mariluz Álvarez Lastra subliñou que “a axenda cultural deste trimestre arrinca forte esta fin de semana. Ata o 13 de xullo estará aberta ao público no forte San Damián unha exposición de maquetas de Alfredo Sánchez e tamén temos exposicións nas dúas oficinas de turismo. Sonda Norte tamén ten moitas actividades esta fin de semana, tanto o venres coma o sábado. Na Escola de Música estáse a celebrar estes días un curso de jazz e o domingo ás 20 horas nas Catro Rúas ofrecerán o seu concerto de clausura ao aire libre, si o tempo o permite, e ás 21 horas o teatro La Barraca, que leva varios anos visitando Ribadeo, porá en escea a obra Los bobos de colegio de Lope de Vega. A entrada é totalmente de balde co que convidamos a todas as persoas que o desexen desde visitar exposicións, acudir a actuacións de música ou ver teatro que disfruten con nós e da axenda cultural que iremos desgranando”.
Na axenda cultural de verán de Ribadeo non faltarán o Festival Internacional de Música Clásica, que organiza a Fundación Eo Clásica; a Mostra Folclórica Internacional; a mostra de teatro Daniel Cortezón, que acollerá a estrea da montaxe do grupo de teatro de Ribadeo; Mariñarte; e citas estritamente festivas e fixas todos os veráns son a festa da percebe de Rinlo, a carne ao caldeiro de Remourelle, a xira de Santa Cruz e este ano nace a recreación do traballo da malla nas Anzas, organizada pola asociación de veciños e veciñas.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
