Os cervenses implícanse na separación dos residuos utilizando cada vez máis os contedores de recollida selectiva
-O ano pasado incrementouse o depósito de residuos nos colectores de vidro, plástico e papel e reducíronse as toneladas de lixo xenérico
-O programa de compostaxe doméstica que ten en marcha o Concello tamén contribúe a diminuír as toneladas de residuos que é necesario xestionar e tratar
Cervo, 7 de xullo de 2012-O Concello de Cervo fixo balance dos residuos recollidos no municipio durante o ano pasado, unhas cifras que revelan unha maior utilización dos contedores de vidro, plástico e papel e unha redución nas toneladas de lixo depositadas nos colectores xenéricos. En concreto, cabe destacar a importante caída na cantidade de desperdicios botados aos contedores tradicionais. En total os camións do lixo recolleron unhas 1.600 toneladas de lixo durante o 2011, un 1,74% menos que no 2010, o que supón 0,98 quilos de residuos por habitante e día. Un dato moi por debaixo da media galega, que se situou en 1,2 quilos.
Neste senso hai que ter en conta tamén a forza que vai collendo a compostaxe doméstica no municipio cervense, e que pouco a pouco vai influíndo na redución da bolsa negra. Nestes momentos son 73 as familias que practican a compostaxe de residuos orgánicos a través de composteiros achegados polo Concello, aínda que a pretensión do goberno local é seguir potenciando esta forma de aproveitar os residuos.
A diminución da bolsa negra tamén está directamente relacionada co aumento no número de residuos depositados nos contedores de recollida selectiva, especialmente o iglú verde para o vidro, o colector amarelo para plásticos e envases e o azul, para papel e cartón. “Lo normal es que conforme se incrementa la separación en el hogar, se reduce el volumen de la basura genérica” explica a edil de Medio Ambiente, Begoña Alonso, “con lo que conseguimos un doble objetivo: que los residuos que se pueden reciclar y reutilizar no acaben junto al resto de basura genérica totalmente desaprovechados; y reducir el volumen de la bolsa negra, la de más difícil tratamiento”.
No caso destes tres contedores de separación de residuos rexistrouse un incremento medio durante o 2011 dun 5,4%. Analizando os datos por colectores, o de recollida de papel e cartón é o que máis crece, co depósito de 5,08 quilos por habitante e ano, un 9,5% máis que no 2010. En canto ao contedor amarelo, onde se botan plásticos e envases, cada cervense introduciu 7,06 quilos ao ano, o que indica unha subida do 4,74%. En canto ao iglú verde de recollida de vidro, cada habitante depositou 17,32 quilos ao ano, producindo unha subida do 2%.
“Las cifras demuestran que los vecinos y vecinas están cada vez más concienciados con la importancia de separar residuos” asegura Alonso. “Para el gobierno local es una satisfacción contar con habitantes tan responsables e implicados en la conservación del medio natural y que son conscientes de que la suma de sus gestos particulares tienen unas consecuencias globales muy beneficiosas en nuestra sociedad” remata a edil
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
