Os populares acusan á Veiga de distorsionar a realidade en materia de Servizos Sociais
Candia pregúntalle a Veiga se axudas de cinco euros por usuario resolven os problemas na prestación do SAF
As baixas contías recibidas por algúns concellos en materia de servizos sociais contrapóñense ao ‘despilfarro’ de fondos investidos polo BNG e o PSOE en festas, viaxes e adecentamento de zonas de baixa demanda
Candia recorda que coa contía de 600.000 euros aprobada pola Deputación provincial para a concesión de subvencións ao Servizo de Axuda no Fogar, o organismo provincial non cumple á lei que aprobou o BNG e o PSOE en 2008 reguladora dos servizos sociais e o decreto que a complementa. Dacordo co 2011, a Xunta aportaría máis de 7 millóns de euros.
Lugo, 17-07-2012 – A portavoz do Grupo do Partido Popular na Deputación provincial de Lugo, Elena Candia, manifesta a súa desconformidade coas declaracións vertidas polo Vicepresidente primeiro do organismo lucense ao asegurar que as subvencións aprobadas polo ente para o Servizo de Axuda no Fogar evitan serios problemas no mantemento da prestación do SAF. Ante isto, Candia pregúntalle a Veiga se axudas de cinco euros –como so concedidos a Carballedo– por usuario garanten o servizo e resolven calquera problemática nesta área.
A portavoz provincial asegura que estas baixas contías recibidas en materia de servizos sociais amosan a falta de criterio e de priorización das necesidades que identifican a xestión do goberno que lidera José Ramón Gómez Besteiro. Para Candia, estas mínimas subvencións concedidas a algúns concellos contrapóñense ao despilfarro en grandes contías de fondos investidos polo BNG e o PSOE en festas, viaxes e adecentamento de infraestruturas e obras de pouca demanda e que despois ninguén mantén nin preserva.
A seguridade en materia de servizos sociais que defende o vicepresidente primeiro da Deputación non é compartida por alcaldes e portavoces do seu mesmo partido político. E mesmos nalgúns casos esta falta de garantía conlevou que alcaldes do BNG chegaran a despedir a algunha traballadora social.
Candia recorda que coa contía de 600.000 euros aprobada pola Deputación provincial para a concesión de subvencións ao Servizo de Axuda no Fogar, o organismo lucense non cumpre a lei que aprobou o BNG e o PSOE en 2008 reguladora dos servizos sociais e o decreto que a complementa. Dende o grupo popular e a través da súa portavoz, aseguran ser coñecedores da vontade de colaboración amosada polo Presidente da Xunta. A través da firma do protocolo xeral búscanse acordos co obxecto de blindar servizos sociais na comunidade autonómica. Para Candia o principio de colaboración debe ser o inspirador de calquera decisión en servizos sociais. A popular pide que o Servizo de Axuda no Fogar deixe de ser unha arma de batalla pública.
Criterios de Reparto
En relación aos criterios de reparto das subvencións para o Servizo de Axuda no Fogar, os populares manifestan a súa sorpresa ao ver grandes diferenzas nas contías. Hai diferenzas que van dos 589 euros por usuario que recibe Pobra de Brollón aos 5 que se destinan a Carballedo, sendo municipios con situacións e criterios similares.
Trala análise dos criterios de adxudicación da ponderación (tipoloxía dos beneficiarios, grado de financiamento por parte do concello, esforzo fiscal e outros proxectos ou programas de caracter social), os populares seguen a amosar a súa sorpresa. Candia explica que estes criterios evidencian realidades moi similares que non corresponden coa gran diferenza amosada nas contías concedidas.
Polo tanto, Candia pide colaboración en materia de Servizos Sociais e esíxelles que se evite a conflitividade. Para Candia é tal a utilización política desta área por parte da Deputación provincial, chegando incluso a condicionar o ingreso destinado a fins sociais, sempre e cando o concello previamente ingresara os intereses de demora en relación as cantidades que deben reintegrar do Plan Emprega. Unhas débedas que os técnicos xurídicos dos concellos cualifican de non liquidas, nin vencibles, nin esixibles. Este dato, para Candia, evidencia a falta de cooperación e a politización dun servizo básico.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
