O goberno de Burela di que os anteriores mandatarios non actualizaron o padrón do IBI o que prexudicou aos bureleses

O EQUIPO DE GOBERNO ASEGURA QUE FOI O PP QUEN BAIXOU DÚAS VECES O IBI NA SÚA ANTERIOR ETAPA NO CONCELLO. E ACUSA AO BIPARTITO DE DESPREOCUPARSE DE ACTUALIZAR O PADRÓN DESTE IMPOSTO, O QUE SUPUXO UN PERXUIZO PARA TODOS OS BURELESES.

Burela, 20 de xullo de 2012. O equipo de goberno asegura que foi o PP o que baixou o IBI dúas veces na súa anterior etapa no Concello, mentras que o bipartito só o fixo nunha ocasión. Os populares indican que PSOE e BNG se despreocuparon de actualizar o padrón do IBI, algo que perxudicou a todos os cidadáns de Burela. Deste xeito respostan ás críticas vertidas nas últimas horas desde o PSOE.
Desde o equipo de goberno sinalan que “sí hai un incremento nos recibos do IBI, pero trátase do mesmo incremento porcentual que houbo desde o ano 2006, exceptuando os dous anos nos que baixou o tipo impositivo, que xa está prácticamente no mínimo”.
Os populares explican que “a media do incremento do IBI é do 6%. Sí é certo que hai unha suba, pero dase pola propia aplicación da norma da administración do Estado, que non é de agora senón que xa leva tempo en vigor”. O equipo de goberno indica que “os pisos novos non pagan o mesmo que os vellos, háinos que superan a media de incremento e outros que son inferiores a esa media”.
O grupo popular lémbralle ao PSOE que “nos catro anos do bipartito despreocupáronse absolutamente de actualizar o padrón do imposto de bens inmobles. E así nos atopamos con algún edificio e algún piso que levando xa algún tempo construidos non estaban cotizando”. O equipo de goberno entende que “o bipartito terá que dar explicacións dos motivos que os levaron a non actualizar o padrón da contribución urbana e tamén terán que explicar por qué ese feito significou durante eses anos unha merma nos ingresos do Concello, algo que perxudicou ao conxunto dos cidadáns de Burela”.
Os populares subliñan que “os incrementos no IBI xa os había cando gobernou o bipartito en Burela, non sabemos de qué se estranan agora. Co PP no Concello de Burela baixóuse o IBI dúas veces e co bipartito tan só unha vez e a petición do noso grupo, do PP. Agora xa non hai máis marxe de maniobra para efectuar máis rebaixas”. Desde hai un ano o equipo de goberno estáse a preocupar por actualizar o padrón do IBI “para que non se cometa a inxustiza de que uns paguen e outros non”.