O programa Parolando da Radio Valadouro dedicou o seu coloquio final á difícil situación en que se atopan algúns dos humedais da nosa Mariña Lucense, así como as aves que os visitan ou os habitan. Debateron neste coloquio o gardarríos Antonio Jesús Lorenzo “Cachín”, o afeccionado ás aves natural do Valadouro Pedro Rolle e o representante da Sociedade Galega de Ornitoloxía. Na entrevista da sección de Xuventude visitáronos Belinda Amor e David Ramos, membros da orquestra Grupo Fénix de Foz, que nos falaron de como é a vida das orquestras durante a temporada de verán e nos contaron como xurdiu e foi formándose o seu grupo musical. Na entrevista cultural de “O Desván”, dirixida por Matías Nicieza, estivo connosco Marco Uría, Presidente da Asociación Cultural “Amado Lar” do Valadouro, que nos contou a multitude de actividades que está a organizar o seu colectivo.
O programa Parolando da Radio Valadouro dedicou o coloquio a situación dos humedais na Mariña
Relacionado
-
As Festas de San Xoán de Covas celebraranse do 23 ao 26 de xuño cun programa que inclúe a tradicional lumeirada, pasarrúas, misa e procesión, sesións vermú e verbenas coas orquestras Acordes, New York, Salsarena, Capitol e Trébol
-
Ás 16.50 horas deste martes quedou controlado o incendio do concello de Xermade, parroquia de Roupar, que segundo as últimas estimacións afecta unha superficie de 35 hectáreas
-
Guille, Sandra e Pita proclamáronse gañadores do VIII Mus na Praia, organizado pola asociación cultural LuMus o pasado sábado en Ribadeo
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
