MÁIS DE 700 PERSOAS DISFRUTARÁN MAÑÁ EN CABANELA DA IV FESTA DO SOCIO QUE ORGANIZA O REAL CLUB NÁUTICO DE RIBADEO.
Ribadeo, 17 de agosto de 2012. Máis de 700 persoas acudirán mañá sábado, 18 de agosto, á IV Festa do Socio que organiza o Real Club Náutico de Ribadeo. O seu presidente, Mario Coto, tilda de auténtico éxito a XXII Semana Náutica que se está a celebrar estes días e dentro da que se inclúe a festa de mañá.
Coto dixo que “esta é a cuarta festa do socio do Real Club Náutico de Ribadeo desde que estamos nós na directiva. Este ano ten un significado especial porque recibimos hai uns meses o título de Real e deste xeito queremos celebrar este recoñecemento”. En total acudirán arredor de 780 persoas a esta cita, “desde que empezamos esta festa o número de asistentes foise incrementando pouco a pouco e neste 2012 acuden máis que ás edicións anteriores, estamos moi contentos de que aos socios lles guste que fagamos este tipo de eventos”. O menú estará composto por churrasco ao espeto, bolos preñados, postre, café, queimada e copas. A velada estará amenizada por un grupo de gaitas. O acceso ao recinto de Cabanela será a partires das 21 horas.
A Festa do Socio enmárcase dentro da XXII Semana Náutica que continúa a celebrarse con moito éxito. Hoxe hai varias regatas e a mediodía a partires das 15:30 horas sairá a tradicional zalea a Abres. O presidente do Real Club Náutico de Ribadeo anunciou que “a Semana Náutica se prolongará durante uns días máis, aínda que estaba previsto que concluise o vindeiro domingo. Mañá temos a festa do socio, o domingo temos regata outra vez, ao igual que o luns e o mércores. Por este motivo aprazamos a entrega de premios para o vindeiro 22 de agosto, mércores, ás 20 horas”. Mario Coto explicou que “os socios pedíronnos que fixésemos algunha regata máis, e como eles están de vacacións e nós nos debemos a eles o RCNR fará esa excepción de prolongar durante uns días a Semana Náutica”.
Coto sinalou que “este ano a programación da Semana Náutica superou á do ano pasado, aínda que no 2011 contamos coa presenza da Transgascogne. Eso quere dicir que os socios que participaron os anos anteriores nas nosas propostas viron que esto é unha realidade, gústalles vir aquí, atendemos as súas necesidades, e aquí disfrutan”.
O presidente do Real Club Náutico de Ribadeo destacou “o traballo e o esforzo realizado polo persoal desta entidade, que se implica e moito, en todo o que organizamos. E quero recoñecer públicamente a labor que desenvolve Santiago Fernández-Reynante, que é unha das persoas que participa activamente en todo esto para ternos organizados a todos os membros da directiva, e quero agradecerllo públicamente”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
