Éxito das actividades medioambientais de Lugoteando na Mariña, que reuniron a preto de 250 participantes
– O poder de convocatoria desta iniciativa da Deputación, que suma xa máis de 400 participantes dende a súa posta en marcha a finais de xullo, demostra a potencialidade do ocio medioambiental como oportunidade económica da provincia
– Tras celebrarse en Monforte, Vilalba, Viveiro e Foz, continuará o día 25 na Fonsagrada e entre o 6 e o 9 de setembro en Lugo, datas para as que xa hai uns 300 inscritos
– Os interesados en anotarse aínda poden facelo chamando ós números de teléfono 982-12-00-64 ou 609-90-32-11, ou na web www.deputacionlugo.org
As actividades de ocio medioambiental do programa Lugoteando da Deputación que tiveron lugar esta fin de semana na comarca da Mariña foron un éxito, reunindo a preto de 250 mozos e maiores coas diferentes propostas ofrecidas no entorno do Club Náutico de Viveiro e na praia focense da Rapadoira. O poder de convocatoria desta iniciativa demostra a capacidade do ocio medioambiental como oportunidade económica da provincia, unha firme aposta da Deputación para xerar riqueza e emprego, e fixar poboación. Deste xeito, son xa máis de 400 as persoas que participaron no programa dende a súa posta en marcha en xullo (nas actividades desenvolvidas en Monforte, Vilalba, Viveiro e Foz), que se suman ás ó redor de 3.000 que gozaron da iniciativa nas dúas pasadas edicións, no 2010 e 2011.
Trala Zona Sur, A Chaira e A Mariña, o calendario de Lugoteando continúa esta fin de semana, o día 25 na Fonsagrada, e entre o 6 e 9 de setembro no entorno do río Miño ó seu paso pola capital lucense. Para estas datas hai xa uns 300 inscritos, pero os interesados aínda poden anotarse, ben chamando ós números de teléfono 982-12-00-64 ou 609-90-32-11, na web www.deputacionlugo.org na que o usuario pode descargar un formulario que debe enviar cuberto á dirección lugoteando@deputacionlugo.org No caso dos menores de idade, terán que presentar unha autorización asinada polos pais ou titores, que poden descargar na web e enviar por correo a lugoteando@deputacionlugo.org ou ben in situ.
As actividades desenvolveranse en horario de 15:00 a 20:00 horas e serán as seguintes:
– Na Praza do Museo da Fonsagrada: segway, skate eléctrico, long skate e simulador de surf.
– No entorno do río Miño en Lugo: paddle surf, batuxos, bolas acuáticas, scooters acuáticos, paseos en canoas e actividades infantís.
Pola economía medioambiental
O programa Lugoteando reforza outras iniciativas coas que a Deputación potencia a economía medioambiental na provincia, tales como o Km0, que leva xerado un volume de negocio de 1,5 millóns de euros nas empresas da provincia, sobre todo PEMES e autónomos, e contribúe a manter 1.400 postos de traballo directos; o Km0 Balnearios no Camiño, grazas ó que o pasado ano estiveron 1.350 persoas nos establecementos termais de Palas, Pantón, Lugo e Guitiriz, e este ano farano outras 1.400; ou o Surf Camp, que serve de tirón para aumentala ocupación hoteleira na Mariña fóra de tempada, chegando na última edición a rozar o 80% na zona oriental da comarca, e incluso superar esta porcentaxe no Concello de Ribadeo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
