O BNG DE BARREIROS DENUNCIA O CAOS SUFRIDO ESTA FIN DE SEMANA CO ABASTECEMENTO DE AUGA NO CONCELLO. ALGUNHAS PARROQUIAS ESTIVERON VARIAS HORAS SEN SUBMINISTRO E INCLUSO AS DUCHAS DALGUNHAS PRAIAS NON TIVERON AUGA. OS NACIONALISTAS SOLICITAN QUE O GOBERNO MUNICIPAL EXPLIQUE CAL É O PROBLEMA E QUE ADOPTE MEDIDAS URXENTES PARA DARLLE SOLUCIÓN.
Barreiros, 20 de agosto de 2012. O BNG de Barreiros denuncia que durante a fin de semana, as veciñas e veciños de Barreiros sufriron novamente problemas de desabastecemento de auga, situación que ocasionou moitas queixas.
A voceira dos nacionalistas, Ana Ermida, dixo que “o que xa anunciamos e denunciamos desde o BNG durante as últimas semanas, fíxose máis palpable nesta fin de semana, na que as veciñas e os veciños non tiveron abastecemento de auga durante as principais horas do día. Nas últimas xornadas recibimos numerosas queixas polos problemas coa auga que están a sufrir as veciñas e veciños das parroquias costeiras, que non puideron utilizar a auga municipal durante as principais horas do día”.
Desde o BNG de Barreiros amósanse moi críticos coa actitude amosada polo alcalde barreirense con este asunto, “non dando a cara e intentando negar a evidencia e botando balóns fóra, non asumindo a súa responsabilidade. Por iso lle pedimos ao goberno municipal que explique cal é o problema que se está a producir, porque todo parece indicar que é un problema técnico e non de escaseza de auga, como pretenden facernos crer”. Os nacionalistas insisten en que “as veciñas e os veciños de Barreiros están a pagar por un servizo que non poden usar e están a sufrir as continuas subas no prezo sen ver ningunha mellora neste servizo. Porque ao desabastecemento súmase que, cando comeza a saír a auga polas billas, sae revolta e en malas condicións”.
Ermida sinalou que “todo parece indicar que se trata dun problema da rede xeral, non dun problema de escaseza, xa que a captación faise no río e non está tan baixo como para que existan problemas de desabastecemento. Sería normal poñer restricións de uso se existise un problema de seca, pero cando o problema é de capacidade da rede, as restricións non serven máis que para xustificar o traballo mal feito”.
Os nacionalistas agardan que “o alcalde explique que está a pasar e que adopte medidas urxentes para solucionar este problema que afecta a grande parte da poboación barreirense, destinando os fondos que existen para a mellora deste servizo para iso. Tamén supoñemos que o goberno municipal asumirá que estas son as consecuencias da súa xestión e que isto é o que perxudica ao turismo. Sorpréndenos que a grande aposta deste goberno municipal fora un presunto desenvolvemento do concello destinado ao turismo e que, a pesares de non estaren ocupadas a inmensa maioría das vivendas proxectadas, os problemas cos servizos básicos sexan tan evidentes. Esta fin de semana non houbo auga en parroquias coma Reinante, San Miguel, Benquerencia, San Cosme ou Viladaide e, incluso, zonas de praia como Altar ou o Acantilado, onde non houbo auga nas duchas e nos baños. Isto é o perxudica notablemente ás veciñas e aos veciños, ao turismo e aos establecementos hosteleiros”.
Para o BNG “é a xestión do Partido Popular e a súa aposta por un modelo insostible a que nos leva a esta situación: a aposta por un modelo de crecemento sen ningún tipo de previsión e sen garantir os servizos para a poboación, tal e como sempre manifestamos desde o BNG. O alcalde, como responsable municipal, e o goberno de Barreiros deben explicar que é o que está acontecendo e adoptar medidas urxentes para garantir un servizo que as veciñas e veciños están pagando”. Ana Ermida engadiu que “con isto demóstrase que este goberno está desaparecido e que está levando á totalidade do Concello ao abandono total. Se xa tiña a zona interior completamente esquecida, para que agora tamén obvia á zona costeira”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
