O BNG SOLICÍTALLE AO ALCALDE DE BARREIROS QUE EXPLIQUE A SITUACIÓN DOS SERVIZOS DE AUGA E SANEAMENTO E QUE PIDA DISCULPAS Á CIDADANÍA. OS NACIONALISTAS REXISTRARÁN UNHA BATERÍA DE PREGUNTAS PARA SOLICITAR INFORMACIÓN SOBRE ESTES PROBLEMAS E QUE ESTA CUESTIÓN SEXA TRATADA EN PLENO. ADEMÁIS ACUSAN AO GOBERNO MUNICIPAL DE FALLA DE PREVISIÓN NA EXECUCIÓN DOS TRABALLOS QUE SE ESTIVERON A REALIZAR ESTES DÍAS.
Barreiros, 24 de agosto de 2012. Membros do Grupo Municipal e do Consello Local do BNG de Barreiros compareceron en rolda de prensa para presentar unha batería de preguntas que rexistrarán no Concello a respecto da situación dos servizos de saneamento e abastecemento de auga. A rolda de prensa tivo lugar na praia de Arealonga, en Reinante, onde os nacionalistas xa advertiran que estaba habendo problemas coa depuradora situada a poucos metros do areal.
Desde o BNG de Barreiros, sinalan que comparecen “para pedirlle ao Alcalde que dea a cara, que dea explicacións e que pida desculpas ás veciñas e aos veciños”. A responsable local do BNG en Barreiros, Belén Fernández, declarou que “é unha falla absoluta de respecto e un desprezo cara á cidadanía que o rexedor estea desaparecido e aínda non dera nin unha soa explicación e solución serias aos problemas que están manifestándose nas últimas semanas. Tería que ser o Alcalde o que estivera comparecendo e non o BNG”.
A respecto das obras que se estiveron facendo nos últimos días, os nacionalistas sinalan “que é unha vergoña a falla de previsión que mostra este goberno agardando a que a xente pase días sen auga e a que a presión cidadá sexa inaguantable para comezar a realizar algunha obra. Desde hai anos véñense producindo estes problemas todos os veráns e, se este verán se prevía que houbese máis vivendas ocupadas, era evidente que esta situación se ía agravar”, explicou Belén Fernández.
“Desde o BNG temos que retomar aquel usado lema que xa tiñamos no 2006: primeiro os servizos e despois os edificios. É evidente que esta situación ven dada polo modelo urbanístico que se implantou en Barreiros: un modelo de descontrol absoluto sen ningún tipo de previsión e co que non se garantiu en ningún momento que as veciñas e veciños puideran recibir uns servizos básicos en condicións”, relataron os nacionalistas en Arealonga.
O Grupo Municipal do BNG pídelle ao goberno municipal que “as obras que se executen sexan cunha base firme e definitivas e non parches cos que se pretenda un lavado da imaxe que se viu gravemente deteriorada con esta situación. O que está claro é que isto é o que perxudica ao turismo e ás veciñas e veciños. É o Partido Popular e a súa xestión o que perxudica a Barreiros.”
Os nacionalistas anunciaron que rexistrarán unha batería de preguntas nas que piden explicacións sobre os problemas acontecidos e o estado das redes de saneamento e abastecemento de auga, qué obras se executaron e en base a qué proxectos e orzamentos. Tamén solicitan, entre outras cuestións, un informe económico sobre a posibilidade do Concello de Barreiros de asumir os custos das obras, sobre o estado da conta na que depositaron os fondos os promotores en base ao convenio para a mellora do abastecemento de auga do 2006 e sobre a utilización destes fondos.
A portavoz do BNG, Ana Ermida, afirmou que “a situación de Barreiros require de intervencións serias e non de solucións transitorias para calmar os ánimos. As actuacións que se realicen deben facerse meticulosamente, de xeito que sexan definitivas e que non estean xerando problemas e gastos cada pouco tempo. Debe executarse o convenio asinado cos promotores no ano 2006, segundo o que estes asumían a totalidade dos custes da mellora do abastecemento da auga para garantir que o subministro de auga en Barreiros sexa acorde co prezo que se paga por el”. E engadiu que “desde o ano 2006 no que se asinou ese convenio non temos coñecemento de que se tivera ningunha comisión de seguimento do mesmo para intentar a súa execución, polo que tamén preguntamos sobre ese aspecto e instamos ao Alcalde a convocar unha comisión con representantes de todos os grupos da Corporación Municipal para tratar estes asuntos”.
“Agardamos que o goberno municipal e Alfonso Fuente tomaran boa nota e que o teñan en conta para cando elixan as compañías das que se rodea, porque xa se está vendo cales son os resultados”, sentencian desde o BNG.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
