A XUNTA DE GALIZA DALLE OUTRO MAZAZO AO RURAL CO DESMANTELAMENTO
DO SEU SISTEMA EDUCATIVO
A eliminación de Preescolar na casa, prazas de profesorado e incluso o peche de colexios
discrimina ao rural galego e aumenta a desigualdade de oportunidades.
Lugo, 24 de agosto de 2012. O sector agrogandeiro galego está padecendo unha grave crise
económica que está levando ao peche de explotacións nun goteo constante que parece non ter
fin. A actividade agraria, motor económico do rural galego esmorece namentres a Consellería do
Medio Rural e do Mar atópase “desaparecida ou morta en combate” desde fai ben tempo,
mostrando deste xeito o desinterese da Xunta polo rural galego, e xa que logo dunha parte
importante da poboación galega e do 85% do seu territorio.
Esta deixadez á que nos tiña acostumados a Xunta de Galiza respecto ao rural galego mudou
finalmente e pasou á acción, pero no sentido equivocado, aprobando medidas que desmantelan o
sistema educativo rural galego, e deste xeito, afondan na diferencia de oportunidades entre as
persoas que viven no rural e en contornos máis urbanos, é dicir, acelerando coa súas políticas o
despoboamento do rural galego.
Por unha banda, este curso que está a piques de comezar, a Xunta volve a aumentar as
subvencións a colexios privados, incluso a algúns centros ligados ao Opus Dei que segregan por
sexo, e por outra banda, baixa o orzamento do sistema educativo público que van supoñer, entre
outras cousas, a supresión de 199 postos de traballo e mesmo o peche de 12 centros educativos
na súa maioría de educación infantil.
Alén diso, coa eliminación de unidades educativas e de profesores no rural (só na provincia de
Lugo pérdense 43 unidades e sobre 60 profesores nos concellos rurais) provoca non só o
aumento do número de alumnos por aula, senón tamén que se agrupen estudantes de idades e
necesidade diferentes. Con isto, na educación infantil e primaria, etapas fundamentais na
adquisición de ferramentas básicas como a escritura e a comprensión oral, xa de por si
degradadas polas políticas do Partido Popular, vanse ver aínda máis afectadas no rural.
Supresión de preescolar na casa
Preescolar na casa, programa pioneiro e único en Europa que está a ser imitado noutras partes
do Estado e da Unión Europea, foi liquidado polo PP. Un plantexamento educativo que daba
cobertura a 4000 familias do rural e que atendía aos nenos e nenas no seu propio entorno foi
eliminado baixo pretextos orzamentarios cando aumentan as partidas destinadas aos centros
privados. Curiosamente con esta erradicación tamén se exclúe ao galego dos primeiros pasos
educativos dos nosos pequenos.
Por todo o anterior, desde a Federación Rural Galega-FRUGA, esiximos á Xunta de Galiza que
deixe de discriminar ao rural galego e que, ademais de buscar solucións á crise agraria que
padecemos, repoña os servizos públicos educativos do rural para así manter a igualdade de
oportunidades entre todos os galegos independentemente do seu lugar de residencia.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
