A Deputación incumpre as promesas manifestadas aos lucenses e non só realiza tarde a limpeza das beiras das estradas provinciais, senón que tamén o fai mal
O Grupo Popular na Deputación denuncia o mal resultado dos labores de desbroce das vías provinciais logo de que o ente acometa estas tarefas cun importante atraso
. Diferentes alcaldes e portavoces da provincia volven a trasladarlle ao Grupo Popular o pésimo estado no que quedan as vías tras ser desbrozas, polo que o PP de novo rexistrará un escrito no que solicite á Deputación unha mellor xestión nesta área
. Os populares tamén recibiron informacións sobre que en ocasións a Deputación non cumpre co plan de seguridade á hora de realizar as tarefas de desbroce da maleza nas estradas da súa titularidade
Lugo 25-08-2012.- A portavoz do Grupo Provincial do Partido Popular, Elena Candia, denuncia de novo a pésima xestión do goberno liderado por José Ramón Gómez Besteiro na materialización dos labores de desbroce nas vías de titularidade provincial. Tras demandar en varías ocasións á Deputación que axilice a limpeza das estradas, priorizando aquelas zonas proclives a incendios; os populares critican agora que o organismo non só cumpra tarde coas súas responsabilidades, senón que aseguran que o resultado das tarefas de desbroce das vías provinciais é pésimo.
O Grupo Provincial do Partido Popular trasladará unha vez máis ao ente lucense as críticas manifestadas por alcaldes da provincia ante a situación de que unha vez iniciados os traballos, os desbroces realízanse mal. A Deputación reduciu o orzamento destinado a este acometido, segundo o ente, para procurar un maior aforro económico. A portavoz provincial pon en dúbida esta afirmación xa que houbo concellos, que tralo desconcerto en relación á firma dos contratos de desbroces, ofrecéronlle ao ente provincial facerlle fronte á limpeza das vías, incluso na contía establecida pola Deputación. Segundo a portavoz popular, o organismo lucense desoíu a proposta trasladada por algún Concello, que se dirixiu á Deputación poñendo a súa disposición os medios de titularidade municipal, preocupados polo mantemento das beiras das vías durante a época estival.
Elena Candia explica que este mal resultado nas tarefas de desbroce pode ser debido a que probablemente non se seleccionen os adxudicatarios por experiencia e profesionalidade na área. A portavoz provincial asegura que algunha das empresas encargadas de realizar estas tarefas non eran profesionais no sector. Tanto é así que, en ocasións, coinciden os adxudicatarios dos desbroces coas empresas encargadas da realización de obras enmarcadas no Plan de Cooperación con Entidades Veciñais.
O Partido Popular vólvelle a pedir ao ente que non priorice estes acometidos en función de intereses políticos. Polo que lle solicita que desbroce as vías provinciais segundo criterios de necesidade cumprindo de forma positiva co acometido. Dende o Grupo Popular pídenlle ao organismo provincial unha aptitude coherente en relación aos contratos de desbroces e que evite a politización á hora de materializalos.
Ademais de realizarse os traballos tarde e mal, os populares tamén recibiron informacións sobre que en ocasións a Deputación provincial de Lugo non cumpre co plan de seguridade durante a realización deste acometidos.
A portavoz provincial pide maior garantía na materialización dos labores de desbroces tal e como prometeran dende o ente no seu momento e refire así ás promesas manifestadas polo responsable de Vías e Obras, Manuel Martínez, en prensa no ano 2008, ao asegurar que o desbroce é un dos aspectos que “queremos mellorar”, e engadir que “se os fallos se volven a repetir, entón si que terei que tomar outras medidas e incluso dimitir. A política é así”;
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
