A provincia de Lugo, a máis castigada por Feijóo
– O Presidente do PSOE lugués avalouno con datos obxectivos: “Feijóo duplicou o paro e a débeda pública, destruíu en Lugo 7.000 empregos coa chapuza do sector eólico, deixou de pagar a Axuda no Fogar, instaurou o repago farmacéutivo, eliminou profesores e Preescolar na Casa e paralizou infraestruturas como a VAC da Mariña”
– Besteiro denuncia que “Feijóo adianta as eleccións para ter as mans libres e recortar o pouco que lle queda: as pensións, e Lugo ten 120.000 pensionistas” e lamenta que “o Goberno en funcións paralizará asuntos de enorme calado para a provincia”
– A Executiva Provincial dos Socialistas de Lugo traballa nun modelo que defenderá os intereses da maioría social “fronte a un Feijóo/Rajoy, que son o mesmo”
O Presidente do Socialistas na provincia de Lugo, José Ramón Gómez Besteiro, demostrou hoxe con datos oficiais que “a provincia de Lugo foi a máis castigada polo Goberno de Feijóo”, apuntando 10 exemplos que así o poñen en evidencia:
1º- “Os recortes de Núñez Feijóo conseguiron duplicar o paro en Galicia. En Lugo provocou que pasásemos de 17.086 persoas paradas na provincia en marzo de 2009 a 25.322 en xullo deste ano (datos oficiais da EPA). É dicir, con Feijóo aumentou un 32% o paro na provincia de Lugo como, casualmente, está aumentando agora en España con Rajoy”.
2º- “Os recortes de Feijóo conseguiron que 3 de cada 10 desempregados da provincia, é dicir, 9.363 persoas, xa non cobren ningún tipo de prestación. Rajoy tamén lle copiou o modelo”.
3º- “Como Rajoy, Feijóo demostrou que o PP non sabe xestionar o público, só lle preocupa o privado. A débeda publica de Galicia era de 3.700 millóns no 2009. Hoxe é de 7.381 (datos oficiais do Banco de España). É dicir, este “gran xestor” duplicou a débeda pública de Galicia en 3 anos”.
4º- “Feijóo conseguiu que Lugo perdese 7.000 postos de traballo coa paralización e chapuza do concurso eólico”.
5º- “Igual que Rajoy, Feijóo debilitou o tecido produtivo da provincia, retirándolle o apoio sen contemplacións. O leite e o campo nunca valeu tan pouco para un Presidente, o futuro de transformadoras como Alcoa e auxiliares ou as empresas de madeira está no aire, e que lle pregunten ós autónomos se están mellor que hai tres anos! E xa non falo do IVE…”
6º- “E qué dicir da marabillosa xestión de Núñez Feijóo coas caixas galegas e as súas preferentes”.
7º- “No tocante ós servizos sociais, Feijóo ergueuse un día e decidiu que non pagaba a Axuda no Fogar a 3.000 familias en Lugo”.
8º- “Na Sanidade pública, e antes de que copiase a idea Rajoy, instaurou o repago farmacéutico. Os lugueses pasaron a pagar 480.000 euros máis polas nosas medicinas en só un mes”.
9º- “Na Educación Pública eliminou profesores e Preescolar na Casa, suprimiu as axudas ós libros de texto, o transporte escolar, obrigou a reagrupar a escolares como na época franquista…”
10º- “Remato coas infraestructuras porque os veciños seguen sen despexar o futuro da Vía de Alta Capacidade paralizada na Mariña pola Xunta, a estación intermodal de mercadorías de Monforte, a Ronda Leste ou o Plan Paradai de Lugo. Iso sí, onte, qué casualidade, din que Rajoy anunciará estes días a data de chegada do AVE a Galicia”.
“Feijóo e Rajoy son o mesmo”
Con esta situación na provincia, “Sr. Rajoy, perdón Sr. Feijóo, porque son o mesmo, estame vostede dicindo que foi o único responsable político que nunca tivo culpa de nada?”, preguntou Gómez Besteiro, asegurando que “o Sr. Feijóo foi un erro, unha persoa que laminou ós empregados públicos, privatizou e suprimiu os servizos públicos e desmantelou o noso país igual que Rajoy hoxe desmantela a nación. Foi o Presidente que máis caro nos saiu a todos”. Por todo isto, o Presidente do PSOE en Lugo remarcou que “a nosa obriga como Partido Socialista é dar unha alternativa. A dos cidadáns é despedir a quen tanto nos enganou”. Minutos máis tarde destas declaracións, os socialistas lucenses comezaron a reunión da Executiva Provincial “para seguir traballando na alternativa que defenda os intereses da maioría social. Porque non o dubiden: imos saír desta”, destacou Gómez Besteiro.
“O adianto agocha máis recortes”
Sobre o adianto dos comicios autonómicos, o máximo responsable do PSOE lugués subliñou que “onte o Presidente da Xunta mentiu ata en tres ocasións, intentando xustificar o inxustificable”, apuntado que “dixo que as eleccións se convocaban por “planificación económica. Mentiu. Convócaas porque quere tapar o que serán os presupostos autonómicos máis duros da historia de Galicia. Dixo que as eleccións se convocaban por “unidade política”. Mentiu. Porque é o goberno que máis abusou do rodillo da maioría absoluta e da urxencia, confundindo maioría absoluta con unidade política. E dixo que as eleccións se convocaban por evitar “gastos adicionais”. Mentiu. Non existen custes electorais duplicados entre autonomías diferentes, son independentes porque os recursos veñen das comunidades autónomas e dos propios partidos políticos”.
Gómez Besteiro afirmou que “as 3 mentiras agochan una única verdade: detrás do adianto só hai unha razón: máis recortes. ¿O próximo para o que quere ter as mans libres? O pouco que lles queda: as pensións, e Lugo ten 120.000 pensionistas”.
“Paraliza asuntos de enorme calado para Lugo”
O socialista explicou que “non é cuestión menor cando se fan as cousas porque entramos dende hoxe nun goberno en funcións, o que paraliza asuntos de enorme calado para Galicia e, por suposto, para Lugo. Como Rajoy, Feijóo quere fuxir pola porta de atrás. Precisamente, cando estamos no peor momento económico da historia da democracia e cando o propio Partido Popular recoñece que estamos ás portas do rescate económico. É dicir, está desbordado, incapaz, renuncia ás súas obrigas como Presidente de Galicia e amosa estar máis preocupado por evitar que os galegos o despidan que por solventar os problemas de todos nós. O Presidente da Xunta sabe que hai razóns de sobra para que os galegos o despidan, ó igual que a Rajoy”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
