Aberto o prazo de matrícula para as derradeiras prazas no Ciclo Superior de Produción da Escola de Imaxe e Son
– Ata o 1 de outubro, os interesados nas 5 únicas vacantes deben presentar a fotocopia do DNI, a certificación académica e o certificado de empadroamento, xunto co impreso que se descarga en www.fundaciontic.org, na sede da EIS: rúa Frei Plácido Rey Lemos da capital
– A Deputación mantén a gratuidade da matrícula para os alumnos de nova incorporación e para os que superaron todas as materias do anterior curso, facendo unha única excepción cos repetidores co fin de fomentar a cultura do esforzo
– A Escola de Imaxe e Son, o único centro público na provincia que imparte ensinanzas superiores da rama audiovisual, comezará o curso 2012-2013 o vindeiro 17 de setembro
A Escola de Imaxe e Son da Fundación TIC, dependente da Deputación, mantén aberto ata o 1 de outubro o prazo de matrícula para as derradeiras prazas no Ciclo Superior de Produción para o curso 2012-2013. Os interesados poden optar a unha das 5 vacantes resultantes logo de que varias solicitudes presentadas para as 22 prazas ofertadas en total quedasen excluídas por non cumprir os requisitos esixidos.
Para facer a solicitude é necerario aportar unha fotocopia do DNI, a certificación académica dos estudos esixidos para o acceso, o certificado de empadroamento nun dos 67 Concellos da provincia e cumprimentar o impreso que atoparán na web da Fundación (www.fundaciontic.org) ou na propia Escola. Toda a documentación debe presentarse na sede da Escoa de Imaxe e Son, na rúa Frei Plácido Rey Lemos s/n.
A Deputación mantén a gratuidade da matrícula por quinto ano consecutivo, agás para os repetidores, é dicir, para os alumnos de nova incorporación ou para os que non deixaron ningunha materia do anterior curso pendente co fin de fomentar a cultura do esforzo.
Saídas profesionais dos produtores
Durante o ciclo, dividido en dous cursos formativos que suman 2.000 horas lectivas, os alumnos de Produción da EIS obteñen a cualificación necesaria para planificar, organizar, supervisar e xestionar os recursos económicos, materiais, técnicos e humanos para a produción de audiovisuais, programas de radio, espectáculos e obras teatrais, asegurando o cumprimento dos plans ou obxectivos no tempo e nas condicións de custo e calidade establecidas.
Entre os obxectivos prioritarios da Fundación está o de facilitar a inserción laboral dos alumnos da EIS. Na actualidade, a TIC mantén convenio con máis de 70 empresas nacionais do sector multimedia e ten asinados máis de 100 convenios de colaboración con ONGs, asociacións culturais e entidades deportivas para difundir o seu labor mediante a realización de proxectos audiovisuais. Esta liña de colaboración permite que os alumnos e titulados da Escola leven a cabo traballos profesionais a través dun programa de bolsas que lles facilitan a súa incorporación ó mercado laboral.
300 alumnos pasaron polo centro
A Escola de Imaxe e Son, que comezará as clases o 17 de setembro, ofrece 44 prazas, 22 para cada un dos módulos de primeiro de Realización e Produción. A maioría dos que solicitan a admisión no centro, o único público que imparte ensinanzas da rama audiovisual na provincia, proceden de 2º de BAC e, en menor medida, séguenlle os que pasaron as probas de acceso á Universidade ou teñen outro ciclo superior. Desde o inicio das súas actividades, en 2003, preto de 300 alumnos cursaron os seus estudos no centro.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
