Deputación, USC, Caixa Rural Galega e CEL renovan o convenio de 59.500 euros para actividades de investigación
– A Deputación mantén a súa achega con 9.500 euros e Caixa Rural increméntaa ata os 50.000, tras asumir a dotación económica que, anteriormente, concedía a CEL
– Este investimento servirá para que o Campus de Lugo poña en marcha proxectos de innovación tecnolóxica para os que a USC asume o persoal, locais, materias e gastos correntes. A CEL difundirá os seus resultados e buscará socios empresariais
– Todos os participantes no acto subliñaron o “esforzo” realizado para manter este acordo dende 1995 e logo de que a Xunta recortase nun 40% os fondos para investigación no Campus lugués dende o ano 2009
Lugo, martes 4 de setembro de 2012.- O Presidente da Deputación, José Ramón Gómez Besteiro, o Reitor da USC, Juan Casares, o Presidente de Caixa Rural Galega, José María Pardo Montero, e o Conselleiro Executivo da CEL, Jesús Quintá García, asinaron este martes, no salón de actos do Pazo de San Marcos, o convenio de colaboración entre ditas institucións para o impulso de actividades de innovación e investigación no Campús lugués, que contribúan ó desenvolvemento académico, económico e social.
Trátase dunha iniciativa que se renova dende 1995. Conta con 59.500 euros, financiados por Deputación, institución que mantén a súa dotación económica con 9.500 euros, e por Caixa Rural, entidade que, este ano, incrementa a súa achega ata os 50.000 euros logo de asumir os 5.000 euros que, anteriormente, concedía a CEL.
Este investimento servirá para que o Campus de Lugo poña en marcha proxectos relacionados, principalmente, coa investigación tecnolóxica. Para elo, a USC asume a dotación de persoal, locais, materiais e gastos correntes. Pola súa banda, a CEL contribúe, difundindo os resultados dos estudos, é dicir, dando conta da nova oferta tecnolóxica ós seus asociados. Ademais, tamén colaborará na busca de socios empresariais de cara a facilitar o desenvolvemento dos proxectos de investigación.
Unha comisión de seguimento, composta por representantes de todas as entidades asinantes, velará, como nos anos anteriores, polo cumprimento das previsións que se recollen no convenio. É salientable o feito de que froito deste acordo, Deputación, USC, Caixa Rural e CEL potenciaron a creación do Centro de Innovación e Transferencia Tecnolóxica (CITT) de Lugo. Esta unidade encárgase, dende entón, do desenvolvemento das liñas de acción deste convenio.
Esforzo fronte ós recortes
Segundo datos oficiais, nos últimos tres anos, a Xunta recortou os fondos para investigación no Campus de Lugo nun 40%, pasando dos 7,5 millóns de euros no 2009 ós 4 millóns no 2011. Por este motivo, todos os participantes ó acto subliñaron o esforzo dos organismo colaboradores para manter este convenio. O Reitor destacou que “dende a constitución do Campus de Lugo sempre estivo presente o compromiso das institucións lucenses por mellorar, divulgar e crear unha clase media formada e educada que, hoxe máis que nunca, necesita de recursos para garantir o desenvolmento social”.
Mentres, o Presidente da Deputación remarcou que “todas as administracións temos menos recursos polo que debemos saber priorizalos para manter iniciativas coma este convenio xa que o compromiso dos que ocupamos institucións debe ser a loita pola igualdade de oportunidades. Nós estamos ó caron da Comunidade Educativa non só mediante este acordo, senón tamén coas 150 bolsas de emprego para mozos que puxemos en marcha no último ano, coas expropiacións que estamos a realizar para a ampliación do Campus de Lugo, coa construción da nova sede da UNED na capital ou mantendo a gratuidade da matrícula na Escola de Imaxe e Son”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
