O BNG DA MARIÑA PRESÉNTASE COMO ÚNICA ALTERNATIVA ÁS POLÍTICAS DE DEREITAS
Antonio Veiga afirma que “o 21 de outubro Galiza debe elixir un goberno que defenda os intereses dos cidadáns e non os da banca”
Os nacionalistas insisten en que “as políticas do PP son un atentado contra a creación de emprego e o benestar social”
A Mariña, 4 de setembro de 2012. A asemblea comarcal do BNG da Mariña reuniuse, esta tarde, para planificar a campaña electoral que rematará nas eleccións autonómicas do vindeiro 21 de outubro, as cales, segundo o responsable comarcal dos nacionalistas, Antonio Viega, “deben marcar un antes e un despois para o futuro da Comarca”.
Durante a súa intervención, Veiga insistiu en que “os nacionalistas representan a única alternativa real ás políticas neoliberais que defende o Partido Popular e que os gobernos de Mariano Rajoy e Núñez Feijóo xa demostraron que son un atentado contra a creación de emprego e o benestar social. As únicas medidas que coñecen os populares son as centradas no desmantelamento dos servizos públicos, principalmente da educación e da sanidade. As políticas do PP son as políticas do fracaso económico e social: aumentan a crise, as desigualdades sociais e castigan aos colectivos máis vulnerables como á mocidade, os dependentes ou os pensionistas.”
Dende o BNG da Mariña denuncian que o Executivo de Feijóo estivo ausente durante toda a lexislatura seguindo a estratexia de que os problemas soluciónanse sos. “Galiza e a nosa comarca perderon case catro anos cun Goberno que non exerceu as súas competencias e que ficou alleo aos problema da Comarca”.
Para Antonio Veiga “o 21 de outubro os galegos e galegas teñen que elixir un goberno que traballe a favor dos cidadáns e non a favor da protección da banca e de aqueles que levaron ao país á grave situación económica e financeira actual. Tanto Galiza como a Mariña merecen un goberno que busque fórmulas para conservar e crear emprego, que poña en marcha plans de industrialización e desenvolvemento económico crible e efectivos e garanta a igualdade de oportunidades. Os cidadáns demandan solucións xustas e actuacións efectivas, non propaganda e desculpas por enganos”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
