Novos datos obxectivos revelan o caro que lles sae o bipartito PSOE e BNG aos lucenses
O Goberno bipartito de Gómez Besteiro, o máis caro das catro Deputacións de Galicia
Malia que é unha das Deputacións que menos orzamento xestiona para unha poboación máis pequena é a que máis gasta no seu Equipo de Goberno de toda a Comunidade galega
Lugo, 4 de setembro de 2012.- O PP de Lugo ofrece novos datos obxectivos e totalmente comprobables que revelan o caro que lles sae aos lucenses o Goberno bipartito que preside o socialista José Ramón Gómez Besteiro. Os populares, baseándose en cifras totalmente rigorosas, afirman que a de Lugo é a Deputación provincial máis cara de Galicia. Para facer esta afirmación os populares comparan o custe que para os cidadáns supoñen os equipos de goberno das catro Deputacións galegas.
A MÁIS CARA DE GALICIA
Así por exemplo mentres que a Deputación de Ourense precisa tan só de 127.496,27 euros para retribuír ao seu Presidente e Vicepresidente, a de Lugo supera de longo o medio millón de euros para pagar os salarios do propio Gómez Besteiro, como Presidente, dos dous Vicepresidentes e dun longo número de Deputados delegados, a soldo da Deputación, nas distintas áreas que se repartiron socialistas e nacionalistas.
Tamén o Goberno bipartito lucense é máis caro que o Equipo de Goberno da Deputación de A Coruña, iso a pesar de que esta última xestiona maior orzamento e maior poboación que a de Lugo. A da Coruña conta cun Presidente, dous Vicepresidentes e tres Deputados de área remunerados por un total de 373.726 euros, lonxe tamén das cifras da Deputación lucense que, como xa explicamos superan o medio millón de euros.
O Goberno da Deputación de Lugo tamén é máis caro que o de Pontevedra. Nesta última provincia retribúen con 239.360 euros ao Presidente e tres Deputados do Equipo de Goberno, cifra tamén que está moi lonxe dos datos lucenses, que lembremos destinan para este concepto un total de 557.135 euros.
GASTO POR HABITANTE
Para valorar con maior xustiza os datos indicados hai que ter en conta que malia que é unha das Deputacións que menos orzamento xestiona, para unha poboación máis pequena, é a que máis gasta no seu Equipo de Goberno de toda a Comunidade galega, mostra do caro que para os cidadáns supón apostar por un modelo de Goberno bipartito.
No día de onte o PPdeLugo facía público que cada lucense tiña que destinar 1,65 euros dos seus petos para soster os salarios dos privilexiados membros do goberno bipartito provincial que preside José Ramón Gómez Besteiro, case oito veces máis caros que a Xunta, e moito máis caros que os 0,37 euros por habitante de Ourense, 0,24 euros por habitante de Pontevedra e 0,32 euros por habitante de A Coruña.
Dáse a circunstancia de que pese a ser moito máis cara a Deputación de Lugo que as da Pontevedra e da Coruña, estas últimas triplican e cuatriplican as cifras de poboación de Lugo.
Tal e como denunciou onte PP a Deputación de Lugo non só é a máis cara das catro deputacións galegas, senón que ademais o equipo que lidera o socialista Gómez Besteiro ten un custe de 557.135 euros, un cifra moi próxima aos 614.612 que o Goberno Galego destina aos seus Conselleiros e ao Presidente.
Resulta moi curioso que un Ente Provincial que xestiona case cen veces menos de orzamento que a Xunta, custe tanto como todo o Goberno galego.
ENGANO SOBRE SOLDOS
Por outra banda, desde o PP de Lugo lamentaron o afán do PSOE lucense que nestes días atópase obsesionado en enganar aos cidadáns, dando conta de falsas informacións sobre os salarios de políticos populares.
Afirman desde o PP que os socialistas están a lanzar auténticas falsidades sobre os salarios de membros do seu partido e dan conta desta manipulación do PSOE explicando que, por exemplo, non todos os cargos da Executiva popular reciben un salario da Administración Pública. “Aqueles que o fan, cobran porque son alcaldes, deputados, é dicir na súa condición de cargos públicos elixidos e refrendados polas urnas. Mentres que no caso de Lugo, o 40% da Executiva socialista está a soldo da Deputación, pero en calidade de asesores, persoal de confianza, isto é, nomeados a dedo polo Sr. Besteiro e sen ser votados para elo; ademáis existen dúbidas razoables sobre o lugar onde estes últimos exercen o seu traballo: Deputación ou Sede do Partido Socialista de Lugo”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
