Pretenderon enganar á cidadanía lucense
O PSOE incapaz de acreditar as súas acusacións demostra que Balseiro tiña razón e que os socialistas mentiron sobre o seu soldo
Ata tal punto chega a incompetencia do PSOE lucense que descoñecen que os deputados no Parlamento de Galicia non cobran 14 pagas, senón 12, ou que Balseiro non recibiu ningunha dieta.
Na súa obsesión por arremeter contra todo, o PSOE desautoriza ao seu propio candidato, Manuel Vázquez, que non presentou ningunha iniciativa nos catro últimos anos de lexislatura.
Lugo, 6 de setembro de 2012.- Tal e como sospeitaba o deputado popular Jose Manuel Balseiro, o PSOE viuse hoxe incapaz de acreditar as súas acusacións sobre os soldos que perciben os representantes populares e, lonxe de rectificar, volven a ofrecer unha serie de cifras manipuladas, que non se corresponden coa realidade, é ás que pretenden dar visos de veracidade, a pesar de non ser correctas.
Ata tal punto chega a incompetencia dos socialistas lucenses que nin son capaces de facer unha suma correcta dos distintos conceptos, ou descoñecen algo tan simple como que os deputados no Parlamento de Galicia non reciben 14 pagas, senón 12. Algo que debería saber tendo en conta que o PSOE dispón de 25 deputados no Pazo do Hórreo, 5 deles desta provincia.
Deste xeito o soldo a percibir por parte de Jose Manuel Balseiro estaría moi lonxe da cifra que o PSOE tenlle atribuído como soldo líquido a percibir, e sería como mínimo entorno a un 35% inferior. A maiores o PSOE decide inventarse supostas axudas por desprazamento, cunha evidente falta de rigor, cando a realidade é que Balseiro non percibiu na lexislatura que remata ningunha dieta.
“Rétolles a que cando queiran e onde queiran, proben coa nómina do representante do PSOE na Mesa do Parlamento, antes Ricardo Varela, ata fai pouco tempo secretario xeral dos socialistas lucenses e actualmente o deputado Cerviño” -dixo Balseiro. “Con este tipo de noticias están quedando en ridículo e son o hazmereir de toda a provincia”
Os populares non comprenden como no PSOE poden descoñecer estas cuestións tan básicas, salvo que o fagan con evidente intención de enganar á cidadanía, o que proba a súa incompetencia e o pouco rigor co que traballan, ademais do pouco aconsellable que será que estas persoas estean elixidas como representantes políticos e ao fronte dalgunhas institucións. “Invitámoslle a pedir perdón a todos os lucenses polos seus enganos”
A maiores tamén demostran que no PSOE de Lugo non hai boa relación co resto do Grupo Parlamentario Socialista e cos propios deputados lucenses na Cámara galega, que non cometerían estes erros, e aos que nin tan sequera foron capaces de preguntarlles antes de poñerse a facer sumas inventadas.
PACHI VAZQUEZ DESAUTORIZADO
Finalmente Balseiro explicou que o PSOE de Lugo na súa nota descoñece o mínimo funcionamento do Parlamento, xa que o traballo dun deputado non só se mide polo número de iniciativas que presenta. En todo caso Balseiro é un dos dez deputados populares máis activos no número de preguntas e iniciativas rexistradas, isto a pesar de que comparte a súa condición de deputado coa de Secretario da Mesa do Parlamento, que lle obriga a realizar outras responsabilidades. Balseiro está moito por encima do 99% do Grupo Socialista en intervencións no Parlamento de Galicia.
Por outra banda, se o PSOE ten un mal concepto daqueles deputados que rexistRaron iniciativas por debaixo da media no Parlamento de Galicia, terán que explicar por que non desautorizaron publicamente a insignes parlamentarios socialistas como Marisol Soneira, Ismael Rego, Francisco Cerviño, María Dolores Rodríguez, Miguel Ángel Fernández, Luis Toxo.
Segundo Balseiro no PSOE nótaselles a súa falta de rigor e de experiencia, porque na súa obsesión por arremeter contra todos ata desautorizan ao seu propio candidato á Xunta, Manuel Vázquez, que non ten presentado unha soa iniciativa -segundo publican nos medios de comunicación- ao longo dos catro últimos anos de lexislatura.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
