A FEDERACIÓN RURAL GALEGA-FRUGA INICIA UNHA CAMPAÑA EN DEFENSA DO
SECTOR LÁCTEO GALEGO
FRUGA exixe que se repoñan as medidas en política agraria que tan bo resultado deron na
anterior lexislatura da Xunta de Galiza ante o claro fracaso das políticas do PP.
Lugo, 6 de setembro de 2012. O sector lácteo galego atópase nunha crise nunca antes coñecida,
cunha caída constante nos últimos anos do prezo que receben os productores lácteos e cunha
suba dos custos de producción que se viu aínda máis agudizada nos últimos anos. Esta situación,
lonxe de correxirse está sendo acentuada nos últimos tempos; serva de exemplo que no último
ano o penso encareceuse en torno a un 18% e o leite baixou sobre un 10%.
Desde a Federación Rural Galega-FRUGA entendemos que esta tendencia de “ir a peor” non é
casualidade e que ten as súas causas. No sector lácteo hai unha serie de variables de difícil
control, tal e como pode ser o prezo dos cereais nas lonxas que marcan o prezo mundial tal e
como están as regras do mercado hoxe en día. Pero tamén sabemos que hai outras accións que
se poden tomar para equilibrar os beneficios do conxunto do sector lácteo que xa foron postas en
marcha e que sabemos que son efectivas, xa que contribúen a aumentar o prezo do leite en orixe.
Hai unha serie de medidas que se levaron a cabo na anterior lexislatura da Xunta de Galiza que
estaban dando os seus resultados e que ían encamiñadas cara a creación do Grupo Lácteo
Galego, algo ao que non debemos renunciar nun contexto no que o 80% do leite producido na
Galiza é transformado por empresas de fora. Coa anterior Consellería do Medio Rural (CMR)
convocando con regularidade a Mesa do Leite, estableceuse un ámbito galego de negociación
que impulsou o Observatorio Lácteo Galego e a implantación real e efectiva do Contrato
Homologado.
Por outra banda, tamén comezaron iniciativas orinentadas á menor dependencia de insumos
alleos ás explotacións, como as inicitivas do Banco de Terras de Galiza (BANTEGAL) ou o
Contrato de Explotación Sustentable (CES).
Todas estas políticas, a pesar de estar dando os seus primeiros pasos, xa estaban dando o seu
reflexo no prezo a recibir polos gandeiros polo leite. Resultado das políticas levadas a cabo pola
anterior CMR é que o prezo que tiña o leite en orixe na Galiza era máis alto que a media do
Estado, e incluso máis alto que en Francia. Anos despois, coa chegada do Partido Popular á
Xunta de Galiza e co xiro de política agraria que supuxo que a situación se invertira e que agora, o
prezo que reciben as explotacións lácteas galegas sexa agora máis baixo.
Desde a FRUGA apuntamos á Xunta de Galiza como responsable directa dos baixos prezos que
están recibindo as granxas de leite, xa que a chegada do PP á Xunta supuxo o desmantelamento
das medidas que mantiñan o prezo do leite en orixe máis alto que na súa contorna.
Galiza non pode prescindir do principal motor económico do rural galego, por isto, a FRUGA vai
continuar coa campaña que xa ten iniciado en defensa do sector lácteo galego nas principais
comarcas lácteas galegas, esixindo responsabilidades aos seus responsables e que se
restablezan as políticas agrarias no sector lo leite que tan bo resultado deron no seu día para,
deste xeito, manter a flote o sector lácteo galego.
NOTA: Adxúntase foto da asemblea informativa que, dentro da campaña de defensa do sector
lácteo galego, organizou onte en a FRUGA en A Pastoriza.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
