O goberno local reunirase cos afectados polos erros nas facturas da luz
Cervo, 7 de setembro de 2012-O goberno municipal asegurou hoxe que nestes días se reunirá con representantes dos afectados polas lecturas erróneas do consumo de luz que se veñen producindo nalgúns fogares cervenses. O executivo local levaba semanas en contacto cunha das afectadas, á que se lle pediu que recompilara información detallada sobre a situación para poder analizala de forma exhaustiva e poder velar polos intereses dos veciños con responsabilidade e rigor. Un documento que a afectada se comprometeu a ter preparado e en mans do Concello a principios de setembro.
Esta semana entrou no rexistro do Concello ese informe detallado que o goberno local agardaba para abordar a situación, polo que agora pretende reunirse cos representantes dos afectados para valorar as posibilidades do Concello para axudar a estes veciños en todo o posible.
O que non entende o executivo cervense é a actitude do grupo municipal socialista. “Estamos traballando neste asunto e velando polos intereses da veciñanza e, mentres, os socialistas saen a criticar non sabemos moi ben o que, nin con que intereses” explica o grupo de goberno. “Polemizar, crear conflito, e maquinar en contra do goberno e da veciñanza é a súa especialidade” e toda a súa labor de oposición “redúcese ao oportunismo”.
Para o executivo local “o PSOE permanece agochado, buscando a forma máis escura de enturbiar e enredar asuntos nos que traballa o goberno e sen dar a cara ante temas da súa competencia e que afectan aos cervenses, como a ampliación do Museo do Mar”. “Utilizan temas tan relevantes coma este a modo de cortina de fume para distraer a atención da veciñanza e que así non se dean conta de que a súa oposición é destrutiva e maquiavélica” engade o grupo de goberno.
“Vese de lonxe que o seu interese por este tema é nulo, e que non queren que nos impliquemos, porque tampouco lles interesa. Prefiren que nos desinteresemos por todo para así poder seguir co seu discurso de acoso e derribo contra o executivo” explican. Aínda así, o goberno municipal advertiu aos socialistas de que “o seu desexo non se vai cumprir, porque a nosa intención é axudar en todo o posible” e engade que “a súa política vandálica, de tentar estragar todo o que tocan fai ver que unha reunión con eles sería totalmente infrutífera”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
