A CONSTRUCCIÓN DUNHA SEGUNDA GARDERÍA EN BURELA É
UNHA BOA NOTICIA E UN BÓ SERVIZO PARA O CONCELLO. ASÍ SE
MANIFESTABA O ALCALDE DESPOIS DE COÑECER A RESOLUCIÓN DA
CONSELLERÍA DE TRABALLO E BENESTAR QUE HOXE PUBLICA O DOG.
GONZÁLEZ BARCIA LEMBROU AS XESTIÓNS REALIZADAS POLO PP,
TANTO NA OPOSICIÓN COMO NO GOBERNO MUNICIPAL, PARA QUE ESTA
DEMANDA SEXA UNHA REALIDADE.
Burela, 13 de setembro de 2012. O alcalde, José María González Barcia,
amósase satisfeito tras coñecer a resolución da Consellería de Traballo e
Benestar pola que se encomenda ao Consorcio Galego de Servizos de Igualdade
e Benestar as xestións para a construción de escolas infantís 0-3 en varios
concellos galegos, entre os que se atopa Burela. O rexedor asegura que a vila
precisa dunha segunda gardería e que incrementando servizos tamén se pode
incrementar a poboación.
González Barcia sinalou que a resolución que hoxe publica o DOG é unha boa
noticia, “desde o PP, tanto na oposición como no goberno, estivemos insistindo
de xeito permanente en que Burela precisa dunha segunda gardería, xa que hai
lista de espera na actual. Agora agardaremos a coñecer os pasos que hai que
dar, pero nós estamos dispostos a facer todo o que sexa posible para que esa
segunda gardería sexa unha realidade en Burela”.
O alcalde lembrou que “nós dixemos no seu momento, cando houbo que
facer axustes a nivel económico no Concello, que unha aposta que íamos
seguir mantendo eran os servizos sociais e o ensino, e pelexar e traballar para
conseguir unha segunda gardería para Burela reflexa que nós cumprimos o que
dixemos”. José María González Barcia tamén se referiu ás características desta
infraestructura, “son 41 prazas para un centro de 3 unidades, esta definición
e estas características de escola infantil axústanse ás necesidades que agora
mesmo ten Burela e deste xeito o que podemos facer é contribuir a que Burela
incremente servizos e incrementar tamén poboación. Esto é algo que debemos ter
como obxectivo desde o goberno municipal”.
O rexedor burelés reiterou que “estando nós na oposición, durante os catro anos
do bipartito, e agora no goberno municipal traballamos e fixemos xestións para
que Burela contase con esta gardería. No equipo de goberno estamos satisfeitos
con esta noticia e agora o único que temos que facer é esperar a ver cales son
os trámites a realizar. Agardo que poidamos cumprilos todos porque éste é un bó
servizo para Burela”. E engadiu que “a pesares da situación que se está a vivir
faremos todos os esforzos que estean ao noso alcance para que a gardería sexa
unha realidade”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
