O CONCELLO ENVÍA UNHA CARTA A SUPERMERCADOS E ÁREAS COMERCIAIS SOLICITÁNDOLLES O ESTABLECEMENTO DE PREZOS ACORDES CO CUSTO DE PRODUCCIÓN PARA O LEITE, E QUE NON EMPREGUEN ESE PRODUTO COMO RECLAMO E O VENDAN POR DEBAIXO DO DEVANDITO CUSTO.
Ribadeo, 28 de setembro de 2012. O Concello envía unha carta aos supermercados e áreas comerciais de Ribadeo na que lles solicita o establecemento de prezos acordes co custo de producción para o leite, e que non empreguen este produto como reclamo e o vendan por debaixo de dito custo.
O alcalde, Fernando Suárez, dixo que “desde o Concello de Ribadeo, non só o goberno senón a Corporación Municipal enteira, somos conscientes da pésima situación na que se atopa o sector agrogandeiro de todo o país, da nosa comarca e do noso concello”.
O rexedor lembrou que “hai poucos días tivemos unha xuntanza aquí en Ribadeo varios alcaldes da comarca cos sindicatos agrarios e acordamos unha serie de medidas a adoptar e unha delas foi a que acabamos de facer agora aquí en Ribadeo. Como alcalde e no nome da Corporación lle enviamos unha comunicación a todo sector da distribución, é dicir a todos os supermercados e centros comerciais no senso de recoñecer o importante papel que xogan as cadeas de distribución no que ten que ver co abastecemento de alimentos á poboación, pero tamén de pedirlles que, sobre todo co leite, non aproveiten este produto para establecelo como reclamo e que o vendan por baixo do custo do producción”. Suárez Barcia considera que “esa actitude lle está a facer moito mal a este sector fundamental do noso país, que estivo e que está a ir a menos, atópase nun punto que de seguir así durante pouco tempo máis chegará a un momento de non retorno”.
O que se lles pide “é que se establezan os prezos de venda acorde co custo de producción, que permitan manter no noso territorio todas as fases da cadea produtiva e de comercialización, que permita xerar riqueza en todos os procesos e garantir o tecido social económicamente sostible. Cremos que éste será o mellor xeito de contribuir a un futuro máis próspero para a nosa comarca e para o noso país e para estas propias áreas comerciais”.
———–
Ribadeo, 27 de setembro de 2012
Estimado Sr./a. Xerente:
Como ben sabedes, o desenvolvemento dos territorios e do propio sistema da
sociedade na que estamos inmersos depende en gran medida da distribución en
equidade dos beneficios e ingresos.
O papel que deben xogar as cadeas de distribución, entre outros, é o do
abastecemento de alimentos e outras mercadorías á poboación . Así pois,
estimamos que a competitividade entre as distribuidoras son beneficiosas para a
poboación, sempre e cando garden certo equilibrio no poder de negociación entre
as distribuidoras, produtores/as e consumidores/as.
Cómpre salientar que a situación actual do sector agrogandeiro está lonxe de
ter un futuro socioeconomicamente viable. Actualmente este sector está moi por
debaixo dos umbrais de rendibilidade e hoxe máis que nunca que o seu futuro está
certamente comprometido.
Quixera lembravos que o circulo produción–consumo, precisa de papel de
todos/as, e que coa desculpa duns prezos marcados por debaixo do custo produción
no leite non farán posible a viabilidade e mantemento do sector agrogandeiro, e que
sen dúbida algunha, comprometerán a sostibilidade do noso tecido-social, que en
ultima instancia é noso elemento xenerador de riqueza do cal dependementos todos
e todas.
O reparto de beneficios que se fai na cadea de valor dos alimentos, en
concreto do leite e os seus derivados é tremendamente inxusto, xa que se fai ao
revés. Así en lugar de pagar ao sector produtor un prezo que lle cubra custos de
produción e traballo, engadir a isto os custos industriais e o xusto beneficio da
distribución e industria, o que habitualmente se fai é xustamente á inversa. Isto é, a
distribución fixa o prezo final do leite, a industria resta os seus custos e o seu
beneficio, e o sector productor aguanta un prezo imposto, que nestes momentos,
con uns custos de produción de 37 céntimos, establecese nunha mísera media da 28
céntimos.
É obvio que de continuar con esta política non han durar moito máis as nosas
granxas. E se iso chega a producirse ¿a canto se cobrará o leite nos supermercados?,
¿aos 48 céntimos que hai hoxe en moitas das ofertas, ou aos 72 céntimos que o
sector da distribución ten nas ofertas dos países europeos veciños?.
É por todo isto que, por recente acordo unánime da Corporación Municipal
de Ribadeo vimos solicitarvos a todas as cadeas de distribución que tendes
presenza neste noso Concello (ao igual que outros Concellos da bisbarra tamén o
están a facer) o establecemento de prezos acordes co custo de producción que
permitan manter no noso territorio a todas as fases da cadea de produción e
comercialización, xerar riqueza en todos os procesos e garantir un tecido social
economicamente sostible. Esta será o mellor xeito de contribuír a un futuro máis
próspero para a nosa comarca e para o noso País. Por suposto, tamén para vós.
Non podemos esquezer o futuro depende de todos nós.
Atentamente,
O Alcalde de Ribadeo
Asdo. Fernando Súarez Barcia
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
