A CAMPAÑA SEGUE UNHA ESTRATEXIA DE EDUCACIÓN AMBIENTAL DIRIXIDA ÓS ESCOLARES
A FEDERACIÓN DE COFRADÍAS DE PESCADORES DE LUGO PRESENTOU EN BURELA A SÚA CAMPAÑA “MAR DE LUGO”
A campaña conta cun presuposto duns 50.000 euros para difundir o labor das Confradías de Pescadores de Lugo e a importancia do sector pesqueiro na Mariña de Lugo, destacando a calidade do seu produto pesqueiro.
A Federación Provincial de Cofradías de Pescadores de Lugo presentou a súa campaña promocional “MAR de LUGO” , que ten o obxectivo de divulgar a actividade dos nosos pescadores e mariscadores para dar a coñecer o sector pesqueiro de Lugo, as súas tradicións, os métodos de traballo e as artes de pesca máis empregadas, así como os peixes máis característicos da zona.
O acto de presentación, que tivo lugar no Salón de Actos da Confraría de Pescadores de Burela, contou coa presencia do Secretario Xeral do Mar, Juan Carlos Maneiro, que tamén asistiu á reunión da Xunta Xeral da Federación Provincial de Confrarías, onde se trataron diferentes asuntos de interese para as confrarías de pescadores da Mariña.
Na presentación da campaña estiveron presentes Alfonso García e Sergio López, presidente e secretario da Federación Provincial de Cofradías de Pescadores de Lugo, Pablo Fernández Asensio, Xefe Territorial de Pesca da Xunta de Galicia, así como representantes das confradías de pescadores: Basilio Otero (patrón maior de Burela), Máximo Díaz (secretario de Celeiro), Celia Pazo (patrona maior de Ribadeo), Ana María Meitín (vicepatrona de San Cibrao) y Faustina Solloso (patrona maior de O Vicedo).
O proxecto “MAR de LUGO” creouse para difundir as actividades desenvolvidas polas Confrarías de Pescadores de Lugo na xestión da pesca costeira e o marisqueo nunha zona como A Mariña, altamente dependente da pesca, co obxectivo último de manter a capacidade de pesca, o volumen de flota e de emprego, intentando mellorar a rentabilidade dos nosos pescadores e mariscadores.
A flota costeira é a máis tradicional e menos industrial de todas, considerada tamén a máis responsable e sostible por ser respectuosa co medio, por pescar con artes selectivas e por ter unha alta vinculación histórica con toda a comunidade pesqueira, incluso por criterios socioculturais e económicos (as empresas son maioritariamente familiares, polo sistema retributivo á parte…).
A campaña de promoción está formada por unha serie de material audiovisual e multimedia: a páxina web www.mardelugo.es, na que se explica o proxecto, un dvd documental sobre a labor das confrarías de pescadores de Lugo, 10.000 guías explicativas das confrarías de pescadores, 5.000 mapas ilustrados das confrarías e principais artes de pesca, e diferentes puntos de información situados en cada unha das confrarías da costa de Lugo.
A campaña vai dirixida ó público en xeral e ós escolares en particular, seguindo unha estratexia de educación ambiental. Vaise divulgar seguindo tres grandes liñas de actuación:
Actos profesionais, feiras e visitas institucionais da Federación e nas instalación das 6 Confrarías de Pescadores: Burela, Celeiro, Foz, Ribadeo, San Cibrao e O Vicedo.
Internet, a través da páxina web www.mardelugo.es.
Distribución directa e gratuita a través do sector hostaleiro de A Mariña (para os nosos visitantes), a tódolos concellos da provincia de Lugo (oficinas de turismo e bibliotecas) e a tódolos colexios da provincia. En total vanse distribuir directamente uns 500 lotes de material.
O presuposto total da campaña (incluida a distribución) é duns 50.000 euros, dos cales a Consellería do Mar aporta 40.592 € a través do programa de axuda para proxectos ó abeiro dos plans estratéxicos zonais aprobados ós (GAC) grupos de acción costeira e financiados polo Fondo Europeo da Pesca.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
