MIMI: ‘ESTAMOS PREPARADOS PARA CONSEGUIR OS TRES PRIMEIROS PUNTOS EN VISTA ALEGRE’
O Burela FS Pescados Rubén afrontará mañá o terceiro envite da máxima categoría. Será en Vista Alegre, outra vez arroupado polo fervor e o espírito laranxa, e ante o Triman Navarra, volvendo ao horario habitual da bomboneira, 18.30 horas.
Dende o banco mariñán, un gran coñecedor do rival, Miguel Castilla ‘Mimi’, amosouse optimista con respecto á evolución do conxunto de Julio Delgado. “Estamos preparados para conseguir os tres primeiros puntos en Vista Alegre; o traballo dos adestramentos está sendo bo e animicamente estamos en disposición de facernos coa primeira vitoria“, dixo o ex do Triman, admitindo tamén que para esta cita terán que convivir con ausencias e xogadores minguados, como Juanma, cunha lesión costal que está valorando o corpo médico laranxa, ou Christian, que arrastrou durante a semana molestias nun xemelgo. Na convocatoria entrará Antón Couto.
O Pescados Rubén medirase a un conxunto caracterizado pola presión arriba e a busca da portería adversaria co que xa disputou a final do Trofeo de Ribadesella en pretempada e do que o novo peche laranxa salientou a súa veteranía e traxectoria, “un club consolidado na máxima categoría durante os últimos doce anos, cunha estrutura de 7 ou 8 xogadores experimentados que levan o peso e doses de xuventude”. “É un bloque forte, pero a súa principal baza é a calidade individual” explicou o burelista.
“Despois de gañar o sábado, afrontaremos unha semana dura e longa, coas viaxes a Barcelona e Zaragoza, para sacar todos os puntos que poidamos antes do descanso”, así expresou o desexo e vontade do equipo Mimi, nos intensísimos sete días que quedan por diante.
Segundo informou o club navarro, Imanol Arregui non poderá contar con Íñigo, con escordadura de nocello, nin Iraitz, cunha operación recente no xeonllo. Estrearase na convocatoria Dani Saldise.
Dobre desprazamento
O cadro mariñán disputará a vindeira semana dobre xornada. Visitará a pista do Umacon Zaragoza (21.00 horas) o venres, 5 de outubro, na cuarta xornada; dous días antes, desprazarase ao impoñente Palau Blaugrana, do FC Barcelona, adiantando así a quinta xornada debido á participación dos cataláns na UEFA Futsal Cup. Despois, a Selección Española e o Mundial de Tailandia afastaranos do fútbol sala de Primeira ata o 24 de novembro, coa visita do honorable Inter Movistar á Mariña.
Tenda Laranxa
O Burela FS e o seu distribuidor oficial, Living Sport, estrearán mañá a Tenda Laranxa de Vista Alegre, cun expositor no que o público da bomboneira poderá contemplar e adquirir non só todo tipo de indumentaria burelista senón tamén diversidade de accesorios e complementos, como reloxos e chaveiros. Dende mañá, ademais estará á venda no pavillón o número da sorte para a lotería de Nadal, o 61.691.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
