ERMIDA AMOSA O COMPROMISO DO BNG CO SECTOR AGROFORESTAL DA MARIÑA
“Debemos situar o sector agroforestal como eixo estratéxico e clave na recuperación económica”
Os nacionalistas comprométense a pór en marcha políticas especiais para fortalecer o sector do móbel e da faba
“O 21-O Galiza debe elixir entre seguir apoiando unha política agrícola e forestal deseñada para os grandes produtores ou apostar por medidas pensadas para a nosa xente do rural “
Lourenzá, 7 de outubro de 2012. A candidata número 3 do Bloque Nacionalista Galego ao Parlamento galego por Lugo, xunto co responsable comarcal da formación na Mariña e vicepresidente da Deputación, Antonio Veiga, e o portavoz nacionalista no concello, César Docampo, participou, hoxe, na Festa da Faba, onde expresou o seu compromiso co sector agroforestal.
Segundo a candidata do BNG, “Lourenzá está a ser un dos concellos da comarca máis afectados pola crise e polas políticas dun Goberno nada comprometido coa Mariña, como evidencian os datos do paro que, desde 2009, incrementouse un 39 por cento; aumento relacionado directamente co expediente de regulación de emprego de móbeis Ermida e co abandono por parte da Xunta dun sector estratéxico para a comarca como é o do móbel”.
Neste senso, Ana Ermida tivo un especial recordo con todos os traballadores e traballadoras de móbeis Ermida que foron despedidos neste último ano e amosou o seu total rexeitamento cara a decisión xudicial, coñecida nos últimos días, de aprobar o expediente de regulación de emprego presentado pola empresa.
“A esta situación é preciso engadir –continuou a candidata nacionalista- a crise derivada da dependencia do sector da faba no que, a pesar de que nos últimos anos se incrementou a superficie cultivábel, prodúxose unha considerábel caída dos prezos non só pola tendencia do mercado senón tamén pola falla de actuación do Goberno do presidente en funcións e candidato á reelección polo Partido Popular, Alberto Núñez Feijóo. Esta situación agrávase ao ter en conta que o sector da faba funciona como un complemento a outras actividades forestais como o eucalipto, determinado por un monopolio que os populares non son capaces de rachar”.
Diante do que no BNG consideran “nula actuación e a complicidade do Partido Popular” cos grandes produtores, os nacionalistas comprométense a apostar polo medio rural e o sector primario. “O obxectivo que guiará a acción dun goberno do BNG será considerar o sector agroforestal como estratéxico e clave na recuperación económica e para iso é preciso traballar criterios de eficiencia e de sustentabilidade que o Partido Popular xa demostrou que descoñece”.
Ermida rematou a súa intervención pedindo o voto para o Bloque Nacionalista Galego porque “o 21-O Galiza debe elixir entre seguir apoiando unha política agrícola e forestal na que só gañan os grandes produtores ou por unha política pensada para fortalecer o noso medio rural e as súas xentes”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
