Dende a Comisión Executiva do PSdG- PSOE de Burela queremos criticar unha vez máis ó Sr. Barcia con rigor e seriedade e facendo oposición responsable, sen mentir e sen palabras valeiras de contido como nos ten acostumados el.
O pasado agosto o alcalde de Burela vertía na prensa unhas declaración sobre o deporte, dicindo que neste exercicio 2012 o Concello gastaba un total de 128.126 € na área de Deportes. Dende o PSdG-PSOE de Burela parécenos que se apresurou un pouco a sumar, cando fixo estas declaración, pensamos que debería de ser un pouquiño máis sensato e asegurarse que o que se lle di ós veciños de Burela é real. Así no primeiro pleno ordinario seguinte a esas declaración o Grupo Municipal Socialista fixo unha pregunta para que se nos explicara de onde saía dita cantidade, vendo as penurias que están a pasar ós clubs deportivos da nosa localidade debido á falta de axuda por parte do Concello de Burela, pregunta que parece ser que non gustou ó sr. Barcia. Contestou que non tíñamos idea de presupostos e quedou tan ancho.
1º- Non nos parece adecuada a contestación dun alcalde que se prece de dialogante, conciliador e educado, máis ben parécenos que cando non lle gusta o tema intenta evadirse desviando a conversa, intimidando, burlándose e utilizando a descalificación persoal nun penoso intento de desvirtuar a realidade, co único fin de disimular a súa incompetencia e falta de xestión no concello. Así que dende o PSdG-PSOE permitímonos darlle un pequeno consello, en vez de tanto periplo polas Consellería, Ministerios … só para conseguir un sobresoldo, entendemos que cando menos si convoca un Pleno teña a dignidade de traelo preparado e cando non saiba unha pregunta mostre un pouco de humildade e contéstea por escrito noutro momento. Pero contéstea, a nós e ós veciños de Burela, ós que non esqueza representamos.
2º Segundo despois de solicitar a información precisa dos presupostos aprobados en pleno para o ano 2012 a partida de deportes constitúese da seguinte maneira:
341 Promoción e fomento do deporte 34.250 € distribuídos en gastos de persoal 22.659 €, material oficina 200 €, gastos diversos 2.000 €, traballos outras empresas 8.500 € e dietas da concelleira 900 €.
342 Instalacións deportivas 21.500 € distribuídos en reparación e conservación 8.500 €, suministro de enerxía 13.000 € e suministro de material 1.500 €.
Se sumamos as dúas partidas danos 55.750 €, moi lonxe dos 128.126 € cantidade que vostede pretende facer crer ó pobo de Burela que inviste no deporte burelao.
3º Para o finanzamento do Concello o alcalde solicita un préstamo coa obrigación de facer un plan de axuste do gasto público regulado no artigo 7 do Real Decreto –Lei 4/2012 do 21 de febreiro. Así remite ao Ministerio de Facenda e Administracións Públicas unha relación certificada de todas as obrigacións que pretende facer. Dentro de elas temos ás que afectan ó deporte:
SERVICIO PÚBLICO 9: “DEPORTES “… Los costes totales se desglosan en gastos de personal, gastos de mantenimiento de instalaciones, suministro de energía y de otros materiales, convenio con club deportivos para subvencionar escuelas deportivas municipales. El gasto total durante el año 2011 fue de 131.679€. En el presupuesto del año 2012 se suprimió la plaza temporal de monitor deportivo, así como tampoco se consigno importe de subvenciones a los clubs deportivos. La estimación del gasto es de 64.219€….”
Sr. Barcia dende o PSdG-PSOE gustaríanos saber en que momento di vostede unha verdade. Cando di na prensa que inverte no deporte 128.126 €, cando nos presupostos queda unha partida de 55.705€ ou cando no informe que presenta ao Ministerio de Facenda di que o gasto en deportes é de 64.219 €. Mentiras, mentiras e máis mentiras. Aconsellámoslle que debera ler ós presupostos que vostede mesmo fai.
Para rematar pedímoslle que nos diga cal é a cantidade que realmente leva gastada en deporte no ano 2012 e que nos explique en que partidas se inverteu.
Tamén nos gustaría que lle explicara ao pobo de Burela porque os nenos que practican deporte nas instalacións dos pavillóns do Monte Castelo e dos Castros levan dende o mes de maio duchándose en auga fría.
Cando pensa empezar a axudar ós clubs que levan o nome de Burela aló onde compiten, e cando vai a axudar a esas familias que non poden levar ós seus nenos a facer deporte porque non poden pagar as cuotas que os clubs se ven obrigados a cobrar porque vostede non cree no deporte de base como elemento de socialización dos nenos nin como un mecanismo que axuda a ter unha sociedade san e con valores.
Vostede é responsable de producir unha ruptura social entre veciños ricos e veciños pobres, os que poden pagar poden practicar deporte é os que non poden pagar os marxina.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
