Derbi galego en terras asturianas
O primeiro Torneo Triangular de Castropol reunirá ao Burela Pescados Rubén e Azkar Lugo durante o parón ligueiro de Primeira División. Será o sábado 27 de outubro, no polideportivo da localidade asturiana de Varres, a partir das 19.00 horas. Tamén participará o conxunto anfitrión, CD Marino de Figueras, que compite en categoría provincial.
O conxunto burelense afronta este triangular minguado de efectivos, ás consabidas baixas de Edu e Juanma, recentemente operados, para este evento Xullo Delgado tampouco contará con Christian, Iago Míguez e Hugo que continúan co seu proceso de recuperación das súas respectivas lesións. Tampouco poderá tirar de canteira xa que o conxunto de Terceira División, dirixido por Iván Cao, tamén está limitado de xogadores debido a diversos contratempos e ten competición ligueira.
A convocatoria para este compromiso é a seguinte: Iago Barro, Dani Martín, Enrique Cánovas, André, Mimi, Nacho Pedraza, Diego Suárez, Cesinha.
O adestrador burelense espera continuar coa boa dinámica de traballo aínda que “tivemos que modificar un pouco a preparación xa que, por diversos motivos de lesións de maior e menor importancia, non foi posible dispor do persoal ao completo para traballar os obxectivos iniciais durante este parón. Incidimos en aspectos individuais, a nivel grupal traballamos pouco debido a esta diminución de efectivos”. Respecto da achega de Diego e Cesinha neste triangular indicou que “é unha boa toma de contacto para velos competir”.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
