A transferencia da titularidade da vía municipal á Deputación está aprobada en plenos municipal e provincial á falta só da firma do convenio
O PP provincial insta á Deputación a que cumpra os acordos plenarios do 2006 e termine o proceso administrativo do Camiño A en Lourenzá
Con esta iniciativa o PP dálle traslado ao ente provincial do acordo plenario unánime aprobado no Concello de Lourenzá para a necesaria redacción do convenio regulador da proposta de transferencia do Camiño A e o seu posterior envío ao consistorio, amosando a importante preocupación do Concello de Lourenzá pola axilización deste tema, que solicita que sexa tramitado o antes posible
O PP denuncia que Gómez Besteiro eluda unha vez máis o principio de cooperación e colaboración na procura de solucións ás problemáticas municipais e caracterice a súa xestión pola deixadez de funcións e a priorización sectaria na resolución das demandas
A urxencia na tramitación incrementouse dado o mal estado do vial, que a administración local se veu obrigada a arranxar provisionalmente, tendo en conta que o organismo provincial limítase a conceder os permisos solicitados de obras situadas neste camiño, cobrando as respectivas taxas e finanzas, por tratarse dunha vía provincial, e pola contra négase a asumir a súa adecuación
Lourenzá, 26 outubro 2012. – O Grupo Provincial do Partido Popular instará na próxima sesión plenaria do martes á Deputación de Lugo a que axilice os trámites para a transferencia do chamado Camiño A, que sendo municipal pasaría a ser provincial, e que une as parroquias de San Adriano e San Xurxo, en Lourenzá. A portavoz provincial do Partido Popular, Elena Candia, e a rexedora laurentina, Emma Álvarez, reuníronse para tratar este tema dado a importante preocupación que suscita tanto para o PP laurentino como para os veciños afectados.
Os populares na Deputación esixiranlle de novo ao presidente provincial, José Ramón Gómez Besteiro, que cumpra cos acordos plenarios municipais (29/05/2006) e provincial (27/02/2006), que recollen a aceptación da transferencia do vial e a execución posterior do convenio. Polo tanto, atendendo ao principio de colaboración cos concellos, que debe garantir a xestión da Deputación provincial; dende o Grupo do Partido Popular reclaman que Gómez Besteiro non eluda unha vez máis colaborar cos ente locais, neste caso o laurentino, evitando unha xestión caracterizada pola deixadez de funcións e a priorización sectaria na resolución das demandas.
Dada a falta de resposta do PSOE provincial tras numerosas peticións trasladadas dende o concello para a axilización da tramitación, en agosto deste ano, a corporación municipal local aproba en sesión plenaria, co voto a favor dos tres partidos con representación municipal (PP, BNG e PSOE), reiterarlle de novo á Deputación a necesaria axilización da firma do convenio regulador. Un acordo unánime que o Grupo Popular na Deputación leva agora ao pleno provincial, garantindo a súa función de ser voz dos concellos na administración provincial e procurando evitar que a Deputación se converta nun ente que eluda colaborar cos consistorios municipais.
De maneira concreta, a acta da sesión de agosto recolle instar á Deputación Provincial de Lugo á redacción e posterior envío do borrador regulador das propostas de transferencia, por un lado, do Camiño denominado A, que sendo municipal pasaría a ser provincial, e por outro lado, da cesión por parte da Deputación do tramo urbano CP-2801 de Santo Tomé por San Adriano e Augaxosa a Mazo, co obxecto de poder examinalo e aprobalo.
Antecedentes
Debido ao importante custo do mantemento deste vial dada a gran afluencia de tráfico que empezaba a soportar, no ano 2005 iníciase o proceso de tramitación da titularidade do Camiño A, sendo aprobada tanto en pleno local como provincial e contando cun informe do servizo de vías e obras da Deputación que consideraba conveniente a cesión do vial .
Tras desoír as reiteradas peticións do ente local para axilizar a tramitación, a urxencia do asunto incrementouse nos últimos tempos polo mal estado da estrada, que obrigou ao goberno local a arranxar o badén que presentaba, de maneira provisional, froito da perigosidade que supoñía para a circulación. Dende a propia Deputación negáronse a asumir o arranxo do vial, por consideralo de titularidade municipal, pese a ser o organismo provincial o encargado de conceder os permisos solicitados de obras situadas no Camiño A, cobrando as respectivas taxas e fianzas, por tratarse dunha vía provincial.
Dada a necesidade de clarificar a situación e axilizar os trámites administrativos, o PP pediralle en pleno ao presidente provincial, José Ramón Gómez Besteiro, que redacte o convenio regulador tal e como así tamén llo solicitaron en pleno os representantes socialistas no concello de Lourenzá.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
