FRUGA APOIA A FOLGA DO LEITE EN CONTRA DA DISCRIMINACIÓN QUE SUFREN AS NOSAS GRANXAS E EN DEMANDA DE PREZOS XUSTOS.
As granxas leiteiras galegas son as que menos cobran polo seu leite tomando como referencia tanto o Estado español como a Unión Europea.
Santiago de Compostela, 6 de Novembro de 2012.- As granxas galegas que se dedican á produción de leite son as que menos cobran polo seu produto tendo de conta tanto o prezo medio que cobran as granxas do Estado español como as da Unión Europea.
Segundo os últimos dados proporcionados polo FEGA (Fondo Español de Garantía Agraria) o prezo medio do leite cobrado pelas granxas, correspondente ao mes de Setembro, no Estado español foi de 31,40 €/100 Quilos; no caso da Unión Europea este ascendeu até os 33,72 €/100 Quilos. Porén os dados para Galiza proporcionados polo Observatorio do Sector Lácteo da Xunta de Galiza indican que o prezo medio foi de 29,36 €/100 Quilos.
O primeiro comentario que nos suscitan estes dados é que, sendo o prezo do leite das granxas situadas no Estado español de 31,40 €/100Qg e incluíndo este o prezo das granxas galegas (29,36 €/100Qg), fica claro que o prezo percibido polas granxas situadas fora da Galiza é moito superior ao prezo que estamos a cobrar na Galiza, a redor de 3 ou 4 céntimos mais, xa que a maiores debemos ter de conta que aquí producimos aproximadamente o 40% do leite de todo o Estado.
O segundo comentario, e aínda mais evidente, é que si o prezo medio na Galiza é de 29,36 €/100Qg a maioría das granxa da Galiza cobra aínda menos. Segundo os dados do Observatorio as granxas con cota de entre menos de 100.000Qg e 400.000Qg cobran menos que a media, só as granxas con cotas superiores a 400.000Qg cobran por riba do prezo medio da Galiza, e todas elas cobran por baixo do prezo medio do Estado español.
E o terceiro e último comentario, e por outra parte o mais obvio, ten a ver con que as granxas galegas somos das que menos cobramos polo leite, que mal vendemos, de entre todas as granxas da Unión Europea (33,72 €/100Qg).
Isto non foi sempre así, xa que nos anos 2007 e 2008 o prezo medio do leite cobrado polas granxa galegas foi de 36,75 €/100Qg e de 37,26 €/100Qg, respectivamente moito superiores aos prezos que se estaban a pagar neses mesmos anos en Francia; 31,52 €/100Qg e 36,31 €/100Qg.
Para FRUGA a situación de discriminación que padecemos as granxas leiteiras galegas ten moito que ver coa política levada a cabo polo PP desde o Goberno da Xunta, ao longo da lexislatura que ven de rematar, caracterizada por dinamitar todos os instrumentos dos que a anterior Consellería do Medio Rural dotara ao sector leiteiro galego e por renunciar a liderar o sector leiteiro español, situación de lideranza que nos corresponde en función de sermos a primeira potencia produtora de todo o Estado.
Tamén pensamos que se ten chegado a esta situación debido á actuación timorata e desenfocada do resto das organización profesionais agrarias ao eximir das súas reivindicacións ao Goberno galego do Partido Popular e enfocar este problema exclusivamente desde o punto de vista economicista, centrando as reivindicacións exclusivamente nas industrias e na distribución esquecéndose da función que debe cumprir todo goberno de defensa e regulador dos seus sectores produtivos e neste caso o leiteiro, fulcral para a economía e vertebración deste noso País.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
