O CONCELLO CONVOCA O VI CONCURSO DE MICRORRELATOS E O II CONCURSO DE LEMAS PARA CONMEMORAR O DÍA INTERNACIONAL PARA A ELIMINACIÓN DA VIOLENCIA CONTRA A MULLER. OS TRABALLOS PODERÁN PRESENTARSE ATA O 16 DE NOVEMBRO E O DÍA 23 DARÁNSE A COÑECER OS NOMES DOS GAÑADORES.
Burela, 7 de novembro de 2012. O Concello convoca o VI Concurso de microrrelatos e o II Concurso de Lemas para conmemorar o día internacional para a eliminación da violencia contra a muller que se celebra o vindeiro 25 de novembro.
No VI Concurso de microrrelatos poderán participar persoas empadroadas no Concello de Burela, a temática debe axustarse á data do 25 de novembro. A concelleira de Servizos Sociais, Diana Durán, explica que “se establecen dúas categorías, unha para menores de 18 anos e outra de 18 anos en diante. Os traballos presentaránse en papel, tamaño A4, cunha extensión máxima de medio folio, preferiblemente en times new roman 12, en ligua galega e ademais en soporte informático, si é posible”. Un xurado composto por persoas do mundo da cultura e das letras, do Concello e do CIM decidirá cales son os dous finalistas entre todos os traballos presentados. Os premios consistirán en sendos vales de compra de 100 euros, canxeables en calquera dos comercios de Burela que sexan membros da Asociación de Comerciantes e Empresarios da vila.
A edil popular sinala que “os microrrelatos deberán entregarse antes do 16 de novembro no CIM do Concello. Terán que ir asinados cun seudónimo e irán nun sobre ao que de adxuntará outro pechado no que figurarán os datos da persoa autora do microrrelato”.
No caso do II Concurso de lemas, Diana Durán indica que “o obxectivo é transmitir a través de mensaxes curtas a importancia da educación en igualdade e da necesidade da eliminación da violencia contra as mulleres”. Neste concurso poderán participar tamén persoas empadroadas en Burela. Cada un/unha pode enviar un máximo de 5 lemas por correo electrónico a esta dirección cim@burela.org e incluirá o seu nome completo, o número de teléfono e unha dirección de correo electrónico á que se poida responder. Cada lema debe constar de sete palabras coma máximo. Entre todos os presentados escolleráse un, que será o que distinga a celebración do día internacional para a eliminación da violencia contra as mulleres do vindeiro ano 2013.
O prazo de entrega dos lemas remata tamén o 16 de novembro. Nas bases figura que a persoa gañadora accederá a que a organización recoñeza públicamente a autoría do lema e divulgue o seu nome. Conservará os dereitos intelectuais sobre o lema, pero renunciará a reclamar calquera tipo de compensación pola utilización do lema por parte do Concello de Burela e por tempo indefinido en calquera mención presente ou futura.
Os premios da sexta edición do Concurso de microrrelatos e da segunda do Concurso de lemas daránse a coñecer nun acto público que se desenvolverá o 23 de novembro ás 12 da mañá no Concello de Burela
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
