O BNG DA MARIÑA PIDE MÁXIMA MOBILIZACIÓN PARA A FOLGA XERAL DO 14 DE NOVEMBRO
Antonio Veiga chama aos mariñáns a saír á rúa para manifestar o seu desacordo coas políticas neoliberais dos gobernos central e autonómico e demostrar que o verdadeiro poder está no pobo
‘Os cidadáns teñen que recordarlle a Feijóo que a maioría absoluta non é unha folla en branco e que non o lexitima para cambiar o programa electoral co que se presentou, como fixo na anterior lexislatura’
A Mariña, 7 de novembro de 2012. Antonio Veiga, responsábel comarcal do BNG na comarca, chama aos mariñáns a participar na folga xeral convocada para o vindeiro 14 de novembro en contra das políticas de recorte que están impondo os gobernos do Estado e da Xunta de Galiza.
“É importante –afirmou Veiga- lograr a máxima mobilización social para que se faga visible o rexeitamento dos cidadáns ás políticas neoliberais que está aprobando o Partido Popular e lograr paralizar a axenda de reformas previstas e que seguirán atentando contra os dereitos dos cidadáns e mermando o seu poder adquisitivo.’
Dende o BNG da Mariña consideran que ‘hai tantas razóns como persoas desempregados para secundar a folga xeral, máis de 26.323 razóns, unha razón por cada lucense en paro, ademais doutras tantas razón polos autónomos que sofren as consecuencias da suba do IRPF, polos mozos e mozas que non atopan emprego e teñen que abandonar o país, en total en 2011, 1.500 lucenses emigraron en busca das oportunidades que en Galiza e en España non atopan, polos gandeiros cuxas granxas pecharon ou están ao límite polo incremento do prezo dos pensos e a redución do prezo do leite, polos dependentes e maiores que deben pagar máis polas menciñas, polo transporte en ambulancia e que deixan de recibir servizos vitais para eles como a teleasistencia ou o servizo de axuda no fogar, así como polas familias que sofren o incremento o IVE. Sobran razón para manifestarse, o pobo ten que demostrar o que nel reside o verdadeiro poder.’
‘O 14 de novembro –concluíu Antonio Veiga- os cidadáns temos que dicirlle tamén a Feijóo que a maioría absoluta que conseguiu nas autonómicas do 21 de outubro, non son unha folla en branco para seguir facendo recortes e cambiar o programa electoral co que se presentou, algo ao que xa ten acostumados aos galegos e galegas porque foi o que fixo na anterior lexislatura.’
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
