A PRESENZA DE RIBADEO EN INTUR ESTÁ A RESULTAR MOI POSITIVA, SEGUNDO ANA MARTÍNEZ. CONCELLO E ACISA PROMOCIONAN OS SEUS ATRACTIVOS TURÍSTICOS EN INTUR ATA O VINDEIRO DOMINGO.
Ribadeo, 23 de novembro de 2012. A presenza de Ribadeo en Intur está a resultar moi positiva, segundo a concelleira de Turismo, Ana Martínez. A feira internacional de turismo de interior, que se celebra en Valladolid, continúa ata o vindeiro domingo, 25 de novembro.
A edil nacionalista dixo que “estamos moi contentos , a experiencia é moi positiva e estamos a traballar nestas dúas xornadas técnicas na promoción e ubicación do noso produto estrela que é a praia das Catedrais. Para moita xente xa non é unha descoñecida porque nos comentan que xa hai tempo que a visitaron ou pasaron por ela, pero non a ubican en Ribadeo. Hai quen a sitúa en Asturias. Este reforzo, dentro do que é a feira, é moi importante non só para a promoción das Catedrais, senón para a promoción do concello no seu conxunto”.
Martínez lembrou que “fixemos unha comunicación aberta aos hostaleiros e comerciantes para que enviasen a súa publicidade a esta feira. Traemos oferta de hoteis, de feito algúns deles sortean dúas noites de hotel para que a xente acuda e coñeza Ribadeo. Ademáis estamos promocionando Ribadeo de eventos, o conxunto da vila, a súa gastronomía e a súa hostalería xunto con ACISA, non hai que esquecer que nesta feira estamos a colaborar ao 50% Concello e ACISA”.
A concelleira de Turismo e o presidente de ACISA, Roberto Rivas, acudiron á inauguración de Intur que tivo lugar na xornada de onte.
Rivas Tomé sinalou que “é moi importante estar nesta feira cun stand propio para poder ofrecer información detallada dos atractivos de Ribadeo. Queremos captar o turismo de proximidade durante todo o ano. No verán recibimos a miles de persoas, pero temos que aproveitar o tirón de Ribadeo, das súas praias, da súa gastronomía e da súa hostalería o resto do ano”.
Ana Martínez engadiu que “o que perseguimos é que a nosa presenza en Intur revirta en positivo nos visitantes que se acheguen ao noso concello ao longo dos vindeiros meses”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
