Trasladará a crecente preocupación dos seus veciños que quedarían sen servizos bancarios nestes concellos
O PP forzará ao Pleno da Deputación a rexeitar o peche das oficinas de NovaGalicia Banco en Riotorto e Muras
. Elena Candia pide a Gómez Besteiro que se involucre de xeito inmediato neste obxectivo e, ao igual que o está a facer o PP e a Xunta, inicie as negociacións oportunas cos directivos desta entidade bancaria para que reconsideren esta decisión.
Lugo 24 de novembro de 2012.- A portavoz do Partido Popular na Deputación de Lugo, Elena Candia, anunciou hoxe a presentación dunha moción que será obxecto de debate na vindeira sesión plenaria a través da que os populares buscarán forzar o rexeitamento da Corporación provincial ao proxectado peche das oficinas bancarias que NovaGalicia Banco ten nos municipios lucenses de Riotorto e Muras.
Elena Candita quere acadar a unanimidade das forzas políticas provincias para instar a Novagalicia Banco a que reconsidere o seu plan de reestruturación e peche de oficinas na provincia de Lugo, “sendo especialmente sensible con aquelas poboacións que non teñen outra entidade bancaria, como acontece no caso dos concellos de Riotorto e Muras”
IMPLICACIÓN DE GÓMEZ BESTEIRO
A edil popular demanda tamén a implicación directa do Executivo provincial que preside Jose Ramón Gómez Besteiro para que, ao igual que o está a facer o PP e a Xunta, inicie as negociacións oportunas cos directivos desta entidade bancaria ao obxecto de que o banco rectifique na intención do peche de oficinas, previsto para antes de que finalice o ano en curso.
Os populares quixeron facerse eco da importante preocupación que teñen os veciños de Muras e Riotorto, a petición tamén do PP local de ambos concellos e logo de manter diversos encontros. Candia volveu a insistir no feito de que, de levarse a cabo o peche “os residentes quedan sen servizo bancario, xa que esta entidade é a única que opera nos citados municipios, o que implicaría a perda dun servizo imprescindible para a poboación”.
UNIÓN E SENSIBILIDADE
Segundo Candia “a unión de veciños e de institucións pode ser a clave para acadar melloras na calidade de vida dos residentes da provincia e a Deputación como o conxunto de institucións teñen a responsabilidade e obriga de trasladarlle a todas as entidades -incluído este banco- as prioridades e as necesidades dos veciños.
Finalmente Candia amosou a súa confianza en que os directivos deste banco sexan “sensibles” ante a problemática que pode xurdir en estes concellos, e teñan en conta polo tanto á hora de valorar a continuidade destas oficinas factores tales como o envellecemento poboacional, o illamento xeográfico dos concellos máis pequenos de rural, así como a dispersión xeográfica.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
