OURO E BRONCE MUNDIAIS PARA O VESTIARIO LARANXA
O medalleiro internacional agasallou o vestiario laranxa por partida dobre no recente Campionato Mundial de Fútbol Sala Feminino de Portugal (3-9 de decembro). Dende onte xa están en Burela a canarinha Jozi, como tricampioa do Mundo tras derrotar a Portugal (3-0), e Peque, que se alzou co bronce nas filas vermellas fronte a Rusia (1-0).
Ambas as xogadoras, cun percorrido de vertixe no compromiso luso, amosáronse exultantes ao seu regreso á Mariña. “Foi o meu mellor mundial” dixo rotundamente a brasileira: “Levantei a copa coma coa mesma ilusión da primeira vez, coa satisfacción da miña actuación, xa que o ano pasado estiven algo lesionada, e polo equipo” engadiu Jozi, que destacou como as espiñas no camiño de rosas cara á final “a Portugal, nun encontro de fase na que nos dedicamos a estudar o rival para un futuro enfrontamento, e a Rusia (1-0) na semifinal, ante a que non soubemos xogar”. Noutro bando, Peque puido asinar cinco vitorias de seis: “Estou moi contenta pola experiencia de gozar coa selección neste campionato. Realizamos un gran traballo durante todo o torneo, sobre todo a nivel defensivo; en ataque temos que seguir progresando” analizou a ala-pivote.
A madrileña lamentou non optar a máis e felicitou a súa compañeira laranxa polo título: “Foi unha mágoa non chegar á final, sobre todo polas formas, xa que non fomos inferiores a Portugal, aínda que nos penaltis elas estiveron máis acertadas. Encantaríame disputar a final co Brasil e xogar contra Jozi, sería moi divertido. Ademais así o club tería dobre representación na final” dixo con certa nostalxia Peque. Neste sentimento tamén coincidiu Jozi, que sempre viu a Vermella “mellor ca Portugal”: “Se tivera que apostar faríao por unha final con España; foi unha sorpresa, aínda que na semifinal España quizás se amosou demasiado cauta e iso custoulle a clasificación”.
Jozi e Peque xa urden un hipotético enfrontamento internacional nun futuro, quen sabe?, talvez non tan afastado. “Seguiremos traballando e intentando mellorar para cando se presente a próxima oportunidade” proponse a madrileña.
Co periplo mundial xa arquivado, agora toca pensar no traballo ligueiro, longo e esixente, co Ciudad de Alcorcón (domingo 16, 13.00 horas) como próximo obxectivo do Burela FS Pescados Rubén para seguir no cumio de Primeira. “Os tres partidos que quedan da primeira volta poden encamiñarnos para facernos co título; xa nos toca” asegurou a porteira laranxa.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
