PULPIS ABRIRÁ O I TROFEO DE NADAL DE FÚTBOL SALA DE IMDECUM
>> A cita reunirá en Burela a unha vintena de equipos galegos entre benxamín e xuvenil, os días 28 e 29 de decembro
Venres, 21 de decembro. O adestrador da Selección de Uzbekistán de fútbol sala, José María Pazos ‘Pulpis’ (Lugo, 1974), abrirá o I Trofeo do Nadal Mariñán, o vindeiro xoves, 27 de decembro, en Burela. Baixo a lenda ‘Imdecum fomentando o fútbol sala na provincia’, a Fundación Impulso ao Deporte, Cultura e Turismo na Mariña organizará o devandito encontro de base, reunindo ademais a unha vintena de equipos galegos de base en competición, entre benxamín e xuvenil, os días 28 e 29.
A cita futbolística arrincará o xoves 27 coa xornada inaugural a cargo do seleccionador internacional Pulpis, cun relatorio no IES Monte Castelo (16.30 horas) aberto ao público e destinado especialmente a afeccionados/as e profesionais do deporte. Os pavillóns Vista Alegre e Monte Castelo albergarán o apartado de competición, venres e sábado, para o que xa están confirmados equipos non só da comarca, como a EDM Cervo, Cidade de Viveiro e Burela FS Pescados Rubén, senón tamén de Sarria.
Esta non será a primeira vez que o técnico lugués visite a comarca mariñá. Pulpis xa compartiu a súa sabedoría co futuro do fútbol sala en 2007 e 2010 no Campus Mixto Internacional de Fútbol Sala Base Burela FS. José Mª. Pazos Méndez, seleccionador de Tailandia entre 2008 e 2011, é unha auténtica institución neste deporte. Na súa traxectoria española, figura o ascenso á División de Honra do Azkar Lugo (2001-02) e a dirección do Valencia Vijusa FS (2003-04) e Barcel Euro Puebla (2004-06), tamén na máxima categoría, ademais da Recopa de Europa co Lobelle de Santiago (2006-07); no estranxeiro, proclamouse campión da Copa de Croacia (2003-04), á fronte do MNK Orkan Zagreb. O técnico galego foi, tras o periplo do actual seleccionador de España, José Venancio López, en Guatemala, o segundo español en dirixir unha selección estranxeira.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
