CONTINÚA A INTENSA PROGRAMACIÓN DE NADAL NO CONCELLO DE XOVE
Dentro do amplo Programa de actividades que o Concello programou para este Nadal, as actividades previstas para os próximos días, son:
-OBRADOIRO DE PINTADO E COLOCACIÓN DO BELÉN.- Desenvólvese este obradoiro na OMIX de Xove, hoxe venres 21 e mañá sábado 22 de decembro en horario de 17:00 a 20:00 h.
-INAUGURACIÓN DO BELÉN MUNICIPAL.- Trátase dun belén xigante, dos máis grandes de Galicia. Ubicado no Parque do Centro Cívico, vaise inaugurar mañá sábado 22 de decembro ás 21:00 horas. Salientar, dentro dos actos programados para esta inauguración, a participación, un ano máis, de alumnos/as da Escola de Maiores que van escenificar diversos momentos do Belén.
-“O SEÑOR DAS DUNAS”.- Vaise desenvolver o domingo 23 de decembro ás 18:00 horas no Salón de Actos do Centro Cívico. (XA ENVIAMOS APARTE UNHA NOTA DE PRENSA DESTE ESPECTÁCULO).
-“ESPECTÁCULO DE ANIMACIÓN E MAXIA”.- Trátase eminentemente dun espectáculo infantil, o cal vaise desenvolver no Pavillón Municipal de Deportes o martes 25 de decembro (Día de Nadal) a partires das 18:00 horas. Rematado este espectáculo, imos disfrutar, coma en anos anteriores, dunha chocolatada.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
