VICEPRESIDENCIA DA DEPUTACIÓN E CONCELLO DE RIBADEO COLABORAN NA PROMOCIÓN TURÍSTICA DO MUNICIPIO A TRAVÉS DE MESAS MICROSECTORIAIS
Veiga pide a representantes do sector do ocio, restauradores, comerciantes e hoteleiros que se sumen a este proxecto para facer unha diagnose da situación actual e formular propostas innovadoras e atractivas
Favorecer o desenvolvemento económico do territorio dende espazos de reflexión colectiva, é un dos obxectivos desta iniciativa
Ribadeo, 28 de decembro de 2012. A Xunta de Goberno da Deputación de Lugo vén de aprobar, na xuntanza desta mañá, o apoio financeiro da institución ao proxecto “Mesas microsectoriais e desenvolvemento turístico do concello de Ribadeo” co que a área de Turismo do ente provincial e o concello de Ribadeo pretenden lograr a reactivación turística do municipio.
Este proxecto supón a posta en marcha dun novo método de traballo que involucra a todos os actores e axentes implicados no eido do turismo co obxectivo último de acadar solucións innovadoras coas que aproveitar todas as potencialidades de Ribadeo e poder crear atractivos paquetes turísticos que reactiven non só a economía do municipio senón tamén a de toda a comarca da Mariña.
Segundo explicou o vicepresidente da Deputación lucense, Antonio Veiga, “para conseguir este obxectivo é preciso facer unha diagnose acertada da situación actual, a cal está previsto levar a cabo a través da convocatoria de catro mesas microsectoriais: unha dedicada ao sector do ocio na que participarán todas as empresas da zona, outra do sector hoteleiro, que aglutine aos representantes do subsector, unha terceira microsectorial de restauración, e unha cuarta de comercio, que xa está creada pero que participará activamente no proxecto. En cada unha delas, nun primeiro momento farase unha diagnose detallada do momento actual polo que atravesan os catro subsectores e, posteriormente, formularanse propostas a partir das que se deseñarán paquetes baseados en elementos locais cos que promover accións conxuntas con fins colectivos”.
Como arranque, o concello de Ribadeo proporá medidas como os bonos gastronómicos para ofertar escapadas gourmet, paquetes turísticos compostos por bonos rurais e turismo ornitolóxico, e o Menú da Ría de Ribadeo. Pola súa banda, a Vicepresidencia da Deputación aportará 20.000 euros para a posta en marcha desta iniciativa que, segundo o vicepresidente da institución, “supón a aplicación dun novo modelo de traballo que permitirá superar enfoques tradicionais con esquemas descendentes e crear espazos de reflexión colectiva sobre o desenvolvemento económico do territorio”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
