O BNG DESTACA O TRABALLO DA “PLATAFORMA POLA RESIDENCIA DA TERCEIRA IDADE” E DENUNCIA O POLITIQUEO IRRESPECTUOSO DO PP PARA COA MESMA
Como é sabido, en Ribadeo constituíse hai meses unha Plataforma cidadá de natureza plural e que conta co respaldo da Corporación para esixir, diante da Xunta de Galiza, a construción
dunha Residencia da Terceira Idade na nosa localidade.
Tal petición, argumentada na necesidade obxectiva detectada e apoiada cos datos dun estudo específico que se fixo ao respecto desde os servizos municipais, resulta da máxima prioridade para Ribadeo, e desde o BNG entendemos que é un tema que merece contar co consenso de todos os partidos e colectivos. É un tema que debe quedar á marxe das diferenzas
partidarias e debe resultar prioritario para todas e todos.
Por iso mesmo, o BNG de Ribadeo participou na manifestación celebrada hai meses na nosa vila con éxito notábel, e entendeu sempre que nesta cuestión o importante é que sexa a cidadanía -‐representada na Plataforma-‐ a que sexa protagonista central dunha reivindicación crucial para os nosos maiores.
E así mesmo o entenderon todo o resto de partidos, que declinaron facer política con esta cuestión e optaron responsable e acertadamente por traballar no seo da Plataforma e por facer á Plataforma a interlocutora principal diante das administracións.
O PP, infelizmente, vén de romper este consenso e xa comezou a tentar utilizar politicamente o tema. A sorpresa inicial lévanos á indignación posterior, polo fondo e polas formas. Pola prensa somos sabedores de que a Conselleira Beatriz Mato, que desprezara á Plataforma e aos seus representantes meses atrás, recibiu agora aos representantes das diferentes familias locais do PP para falar do tema. Alí foron Balseiro, Valín e López Penabad. Iso si, de costas á Plataforma veciñal creada na nosa vila, e coa esperanza de, á volta, poder vender algún favorciño en forma de recibimento institucional.
As formas, desde logo, volven reincidir no que o PP leva facendo desde hai tempo: a falta de respecto aos representantes oficiais do Concello e aos procedementos que o sentido común dicta nestes casos. Volven querer facer poliqueo e sacar proveito dun tema que é de vital importancia para Ribadeo e sobre o cal, ata que o PP o rompeu, existía total consenso entre
todos.
Neste sentido, desde o BNG incidimos no noso apoio á Plataforma pola Residencia da Terceira Idade. Primeiro, por ser o espazo plural no que nos sentimos representados, xunto con moitos outros veciños, partidos e colectivos, para a consecución deste obxectivo. Segundo, porque é
quen estivo traballando activamente –especialmente a Comisión veciñal inicial-‐ para o facer posible.
O BNG apoia totalmente o traballo da Plataforma e denuncia, xa que logo, que haxa quen queira politiquear co tema de forma irresponsable e pídelle ao PP que volva ao consenso existente.
Polo demais, suxerímoslle ao PP que se aclare. Hai tempo que en Ribadeo non se ten claro quen manda no PP da localidade. Ás veces parece que o portavoz municipal, o señor Valín, ás veces parece que os impetuosos voceiros Vega e López Penabad e ás veces parece que o voceiro mediático na prensa local, o señor García de Presno.
Sexa como for, o que ocorre é que non se poñen de acordo, e menos naquelas cuestións que son importantes para Ribadeo. A solicitude da Residencia da Terceira Idade é un exemplo perfecto neste sentido. Un concelleiro di que apoia, os outros que non e todos van xuntos a Santiago vender unha moto. En fin, oxalá volva o sentidiño á casa do Partido Popular de Ribadeo, polo ben de Ribadeo.
BNG de Ribadeo
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
