BURELA (FNC) .- O delegado de Industria, Comercio e Turismo, José González Legazpi, presentou este mediodía os novos folletos dos roteiros turísticos de Burela nun formato manexable, cun deseño actualizado e coa inclusión de novos paraxes. Foron editados 3.000 exemplares en galego e castelán que estarán distribuídos na Oficina de Turismo e no Concello e que formarán parte do material que Burela levará ás feiras turísticas nas que participe.
Legazpi sinalou que “seguimos a desenvolver políticas encamiñadas a favorecer e potenciar o turismo do noso Concello. Coñecedores da importancia que leva consigo a constante actualización dos medios divulgativos xeradores da promoción dos nosos recursos no senso de conseguir que se promova un maior acercamento aos nosos espazos de natureza e se dimensione eficazmente o noso turismo, presentamos de forma actualizada e novidosa os nosos Roteiros Turísticos”.
O Concello de Burela dispón de cinco roteiros distribuídos ao longo do Concello e que se poden percorrer todos nunha xornada, incluso algúns nun par de horas. Segundo explicou o concelleiro de Turismo “denomínanse panorámico, natural, costeiro, xeolóxico e artístico, en función de cada un dos seus percorridos, xa que nos posibilitan coñecer elementos vinculados a cada denominación, e de modo xeral gozar do aire, da paisaxe, da flora e da fauna como roteiros medio ambientais que son”.
Este novo folleto, que conforman os roteiros turísticos de Burela, “ten un formato manexable e facilmente lexible con un deseño actual e moi visual, incorpora fotografías en cada ruta, amosando imaxes do que o usuario vai atopar nese roteiro, inclúe novos paraxes, coma o paseo marítimo do Cantiño e máis a senda verde peonil do Perdouro; asemade actualízanse os nomes de varias rúas, e dáselle tamén máis seguridade por terse evitado a incidencia de tramos de circulación aberta, xunto coa eliminación dun punto perigoso que entrañaba o cruzar a vía do tren, facéndose unha ruta alternativa para evitalo”, segue a relatar José González Legazpi.
O edil nacionalista engade que “inclúe tamén un plano guía de cada roteiro numerado por tramos para facilitar o seu percorrido xunto cun plano central de maior tamaño que representa os cinco roteiros en distintas cores que facilita a súa clara diferenciación, incorpóranse tamén uns pequenos consellos prácticos informando asemade das lonxitudes de cada tramo, a duración estimada do percorrido, a súa dificultade valorada como media, alta ou baixa en cada caso, e os textos están en galego e castelán. En definitiva unha completa actualización dos cinco roteiros turísticos do Concello de Burela, para dotalos de máis posibilidades, cun deseño actual e de calidade para favorecer a utilidade destes espazos de goce turístico e de natureza que agardamos sexan moi concorridos na busca do afianzamento de noso turismo e do desfrute xeral”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
