Xerman como peixe na auga, apaña a “Galiña de Mos”
Nun xélido día e baixo a choiva que non deu trégola, xogouse no campo da feira de Castro de Riberas do Lea o III Aberto de Billarda da Galiña de Mos” correspondente a 6ª xornada da LNB da Conferencia NorLeste.
Un total de 45 valentes loitadores se deron cita neste aberto desafiando as condicións adversas. Nin a friaxe que nos roia os osos nin a manta de auga que nos caeu por riba foron quen de parar o empuxe da serpe multicolor e o aberto chegou ata o final malia as pozas que se formaban no chan e facían aboiar as billardas.
A competición faise mais interesante e animada cando nos enfrontamentos se produce algunha que outra sorpresa non agardada e así pasou tamén nesta xornada impedindo que algún dos favoritos acadase o pleno de vitorias, foron tres os palanadores que remataron invictos. Coedo de Billardeiros Musicais, Oscar de Tropa lixeira e Xermán de Ekipa Bítere disputaron entre eles o dereito a levar para o seu curral a galiña de Mos.
Nas tres carreiras correspondentes o mais regular foi Xermán, outrora asiduo inquilino nos podios, quen de novo acada o cumio nun aberto. Mantívose firme malia o acoso de un Coedo en racha e de un Oscar que nesta final baixou un pouco o nivel que ven amosando derradeiramente. Algo tivo que ver si dúbida o lusco-fusco no que se disputou o envite, pero os tres estaban en igualdade de condicións e quen tirou mais proveito foi o incombustible XERMAN VILUBA que subiu de novo o olimpo dos elixidos lanzando un desafiante berro: “Xa estou de volta…!
“Os Outros” perden o liderado en favor de Billardeiros Musicais” (gañadores por equipos nesta xornada), aínda que na vindeira xornada xa contarán con Elena e Guille para tentar retomala coroa. As baixas de Suso e Bea nos ,Bulls engadiuse tamén Muriego polo que bastante fixeron aguantando o tipo mentres os Tropa lixeira séntense cómodos no 3º posto e van puxando forte cara arriba.
Cabe subliñar a excelente tempada que veñen facendo tanto Oscar de Troitas Bravas como Charly de Carabullo. O primeiro subiu por dúas veces o podio (un 2º e un 3º posto) e Charly estivo a piques pero non o conseguiu aínda que a súa regularidade manteno como líder. Tamén Markytos e Xerman veñen remontando forte malia que se perderon algunha xornada.
En donas as ausencias de Elena e Bea así como a irregularidade de Reyes axudan a que Geni teña menos competencia e domine claramente.
As clasificacións quedan así:
Individual: Charli 48 p., Marcos 46 p., Daniel 45 p., Eric e Richar 44p.
Equipos: Billardeiros Musicais 169 p., Os Outros 165 p., Tropa Lixeira 162 p.
Varados: Charli e Regueiro 7. Eric 5, Luis 3, Cristian, Daniel, Martiño, Muriego, Oscar e Pepe 2.
A vindeira xornada xogarase en Meira ou Bretoña con toda seguridade o sábado 2 de febreiro.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
