O PSOE de Lugo porá en marcha a oficina parlamentaria itinerante e reunións comarcais cos deputados
Os representantes no Congreso e o Senado, José Blanco e Ricardo Varela, desprazaranse cada semana a unha comarca da provincia para atender as demandas dos cidadáns relacionadas coa administración e o Goberno de España
Esta medida súmase á acordada na reunión da Executiva provincial desta semana de celebrar reunións entre os deputados autonómicos e provinciais de cada comarca coa fin de coordinarse para atender os problemas de cada zona
O senador Ricardo Varela anunciou hoxe que o PSdeG-PSOE de Lugo porá en marcha neste mes de xaneiro a oficina parlamentaria itinerante, de modo que os representantes no Senado e no Congreso, tanto el mesmo como o deputado José Blanco desprazaranse, cada semana, a unha comarca da provincia coa fin de estar a disposición dos cidadáns dos distintos territorios, para atender as cuestións relacionadas coa administración e o Goberno de España que queiran transmitirlles. Esta oficina parlamentaria itinerante nace no marco das novas iniciativas que está a levar a cabo o PSOE en todo o Estado. Ademais, a Executiva Provincial de Lugo, presidida polo secretario xeral, José Ramón Gómez Besteiro, decidiu na súa xuntanza desta semana levar a cabo reunións de coordinación entre os deputados autonómicos e provinciais de cada comarca, coa fin de atender dun xeito máis eficaz as demandas dos veciños en cada zona.
A iniciativa da oficina parlamentaria itinerante ten como obxectivo facilitar o acceso dos cidadáns da provincia aos representantes no Congreso e o Senado, a fin de acercar o máis posible as institucións aos veciños. Ten tamén a intención de coñecer máis de preto as denuncias, queixas ou demandas que os lucenses poidan ter respecto ao funcionamento do Goberno, e trasladar cando sexa posible, a través de iniciativas parlamentarias, as inquietudes dos cidadáns. Os parlamentarios atenderán os cidadáns nas oficinas do partido, en data e hora que serán comunicadas a través dos medios de comunicación e a páxina web do partido.
As reunións comarcais dos deputados autonómicos Carlos González Santín, Concepción Burgo, Vicente Docasar e José Ramón Val, que teñen asignados cadanseus territorios, xunto cos deputados provinciais do partido en cada zona son unha proposta de Gómez Besteiro aprobada na Executiva para cumprir coas demandas dos militantes no encontro Partido Aberto, Goberno Aberto, unha iniciativa que se suma aos grupos de traballo da militancia que xa están a ser postos en marcha desde as agrupacións locais para trasladar as ideas e propostas dos socialistas lucenses ao debate autonómico e federal.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
